الماتى قالاسىنىڭ باس مەملەكەتتىك سانيتار دارىگەرى جانداربەك بەكشين ميتينگىگە شىعاتىن بەلسەندىلەرگە ەسكەرتۋ جاسادى. بۇل تۋرالى ول وڭىرلىك كوممۋنيكاسيالار قىزمەتىندە وتكەن ونلاين بريفينگتە ايتتى.
– سوڭعى كەزدە الەۋمەتتىك جەلەلىردە ميتينگتەر مەن كوپشىلىك شارالارعا ۇندەيتىن اقپاراتتار تارالىپ ءجۇر. باس مەملەكەتتىك سانيتاردىڭ 14 تامىزداعى №47 قاۋلىسى بويىنشا كوپ ادام شوعىرلاناتىن شارالارعا ءالى تىيىم سالىنعان، – دەپ اتاپ ءوتتى بەكشين.
ول ءوز سوزىندە ميتينگتى ۇيىمداستىرۋشىلار زاڭ الدىندا جاۋاپ بەرەتىنىن باسا ايتتى.
– حالىقتىڭ كوپ جينالۋىنا ۇندەۋدى قويۋ قاجەت. ونىمەن ادامدارعا ءقاۋىپ توندىرەسىزدەر. قاتاڭ كارانتيندىك شارالاردىڭ ارقاسىندا قالاداعى ەپيدەميولوگيالىق جاعداي جاقساردى. الايدا نورمالار ساقتالماسا، جاعداي تاعى قيىنداپ كەتۋى ابدەن مۇمكىن، – دەدى باس مەملەكەتتىك سانيتار دارىگەرى.
پىكىر قالدىرۋ