قىزىلوردا وبلىسىنىڭ اكىمى گۇلشارا ءابدىقالىقوۆا جۋرناليستەرمەن كەزدەسۋ وتكىزىپ، ساۋالدارعا جاۋاپ بەردى. بۇل تۋرالى  31-ارنا حابارلادى.

وبلىس اكىمى وقۋ جىلىنا دايىندىق، دەنساۋلىق ساقتاۋ سالاسىنداعى جۇمىستار، قىزىلوردالىقتاردى الاڭداتقان سىرداريا وزەنىنىڭ تارتىلۋى سىندى ماسەلەلەرگە جاۋاپ بەردى.

سونداي-اق، اكىم كەزدەسۋدە كوروناۆيرۋستىڭ كۇزدەگى تولقىنى، ايماقتىڭ يندۋستريالى دامۋى، ەكونوميكانى تۇراقتاندىرۋ جولدارى تۋرالى اتاپ ءوتتى.

اكىمنىڭ ايتۋىنشا، بيىلعى وقۋ جىلىنداعى وزگەرىستەر ءبىرقاتار ماسەلەلەردىڭ تۋۋىنا الىپ كەلگەن.

– كوپتەگەن كومپيۋتەرلەر مەن قۇرالدار توزعان. مەكتەپتەر 30 پايىزعا دەيىن قامتاماسىز ەتىلمەگەن. بيۋدجەتتەن بولىنگەن 176،7 ملن تەڭگە قارجىدان 2 635 پلانشەت الىندى، – دەدى اكىم.

ول وقۋشىلاردىڭ ءبىلىمى باستى نازاردا ەكەنىن باسا ايتتى.

بۇعان دەيىن قىزىلوردالىق كوپبالالى انالار بالالارىنىڭ قاشىقتان ءبىلىم الۋعا دايىن ەمەسىن ايتىپ، اكىمدىكتىڭ الدىندا شۋ كوتەرگەنى حابارلانعان.