ءبىلىم جانە عىلىم ءمينيسترى اسحات ايماعامبەتوۆ قاشىقتىقتان وقۋ ءۇشىن مەكتەپتەن بەرىلگەن كومپيۋتەردى بۇزىپ العان جاعدايدا ونىڭ اقشاسىن تولەۋىڭىز عاجاپ ەمەستىگىن ەسكەرتتى. بۇل تۋرالى اstanatv.kz حابارلادى. 

وقۋ جىلىنىڭ باستالۋىنا ساناۋلى كۇندەر قالدى. ءبىراق ءتيىستى تەحنيكامەن قامتاماسىز ەتىلمەگەن وقۋشىلار ءالى دە بار. ءبىلىم جانە عىلىم ءمينيسترى 1ء-شى قىركۇيەككە دەيىن كومپيۋتەرلەردى ۇلەستىرىپ ۇلگەرەتىندەرىنە سەنىمدى. ءبىراق قۇرىلعى بۇزىلعان جاعدايدا قۇنىن كىم وتەيتىنىن جاۋاپ بەردى.

– زاڭناماعا سايكەس ىسكە اسىرىلاتىن بولادى. بىزدە مەملەكەتتىك مۇلىك تۋرالى زاڭ بار، ازاماتتىق كودەكس. وسى زاڭنىڭ 72ء-شى، 76-شى باپتارى وسى ماسەلەنى قاداعالايدى. سوندىقتان بۇل زاڭ شەڭبەرىندە شەشىلەدى، – دەدى اسحات ايماعامبەتوۆ.

زاڭگەردىڭ ايتۋىنشا، ۋاقىتشا تەحنيكانى بۇزىپ العان جاعدايدا مىندەتتى تۇردە قۇنى وتەلۋى ءتيىس.

– ىستەن شىعارعان جاعدايدا مىندەتتى تۇردە قۇنى وتەلۋى ءتيىس. ەرىكتى تۇردە نە سوت ارقىلى مەملەكەتتىڭ پايداسىنا جۇزەگە اسىرىلاتىن بولادى، – دەدى جاندوس تۇياقوۆ.

بيىلعى وقۋ جىلىنىڭ تاعى ءبىر ەرەكشەلىگى ول مەكتەپتەگى كەزەكشى سىنىپتار. ءقازىر بۇل جاڭاشىلدىققا 500 مىڭنان اسا اتا-انا ءوتىنىش بەرگەن.
قازاقستاننىڭ باس سانيتار دارىگەرى ايجان ەسماعامبەتوۆا وقۋشىلار نە ۇستازدار اراسىندا كوروناۆيرۋس جۇقتىرعاندار تابىلسا، مەكتەپ جۇمىسى توقتاتىلاتىنىن ەسكەرتى.