قىتايدىڭ مەملەكەتتىك كەڭەسشىسى ۆان ي "كوروناۆيرۋستىڭ قىتايدان شىققان-شىقپاعانى ءالى بەلگىسىز" ەكەنىن ايتىپ، پاندەميانىڭ پايدا بولۋىنا جاڭا كۇمان تۋدىردى.
ۆان بۇل ءسوزدى بەيسەنبىدە نورۆەگياعا ساپارى كەزىندە ايتقان. ونىڭ پىكىرىنشە، جۇڭگو دۇنيەجۇزىلىك دەنساۋلىق ساقتاۋ ۇيىمىنا كوروناۆيرۋستىڭ پايدا بولعانىن ايتقان ءبىرىنشى ەل بولعانىمەن، "بۇل ۆيرۋس قىتايدان شىققان دەگەندى بىلدىرمەيدى".
–شىندىعىندا، ءبىز سوڭعى ايلاردا ۆيرۋس الەمنىڭ ءار تۇكپىرىندە پايدا بولعانىن جانە قىتايعا قاراعاندا ەرتە پايدا بولعانىن كورسەتەتىن ەسەپتەردى كوردىك...ۆيرۋس ءبىرىنشى كەزەكتە نەدەن باستالدى جانە ونىڭ قالاي باستالعانىن عالىمدار مەن مەديسينالىق ساراپشىلارعا تاپسىرۋ كەرەك،–دەگەن جۇڭگو مەملەكەتتىك كەڭەسشىسى.
پىكىر قالدىرۋ