بال ەرتەدەن بەرى جوتەلگە قولدانىلىپ كەلگەنى بەلگىلى. ءبىراق ونىڭ ەمدىك قاسيەتى عىلىمي تۇردە تولىق زەرتتەلمەگەن. جاقىندا ۇلى بريتانيالىق عالىمدار بالدىڭ جوتەل مەن سۋىق تيۋگە ەرەكشە ەم ەكەنىنەن باسقا وتە كۇشتى انتيبيوتيك ەكەنىن انىقتادى.

وكسفورد ۋنيۆەرسيتەتىنىڭ مەديسينا عالىمدارى بالدى جوعارى تىنىس جولى اۋرۋلارىنا قولدانىپ سىناپ كورگەن. مۇنداي اۋرۋلار ادەتتە تۇماۋ سياقتى بولىپ كەلەدى ەكەن. جانە بۇل اۋرۋلارعا اتيبيوتيكتىڭ كومەگىمەن ەمدەلەدى. ءبىراق ۇزاق ۋاقىت انتيبيوتيك قابىلداعاندا باكتەريالاردىڭ اتيبيوتيككە توزىمدىلىگى ارتىپ كەتىپ بىرتىندەپ ولمەي قويادى. سول سەبەپتى جىلىنا ميلليونداعان ادام انتيبيوتيكتىڭ كەسىرىنەن كوز جۇمادى. وعان دالەل جاقىندا اقشدا كوز جۇمعان ينديالىق ايەلگە 36 ءتۇرلى انتيبيوتيك اسەر ەتپەگەن، كەيىن انىقتاعاندا ول ايەلدىڭ انتيبيوتيكتى كوپ قابىلدايتىنى بەلگىلى بولعان.

بالعا جاسالعان 14 ءتۇرلى زەرتتەۋدىڭ ناتيجەسى بويىنشا بالدىڭ قازىرگى انتيبيوتيكتەر سياقتى باكتەريانىڭ بەلسەندىلىگىن تومەندەتىپ E. coli salmonella سياقتى باكتەريالاردى وڭاي جويا الاتىن قاسيەتى بار ەكەنى انىقتالدى. ءتىپتى اسقازان-ىشەك اۋرۋلارىر تۇدىراتىن H. pylori باكتەرياسىن دا جويا الاتىنى انىقتالعان.

139 بالاعا جۇرگىزىلگەن تاعى دا ءبىر زەرتتەۋدە (2010 ج) بالدىڭ باللاردىڭ تۇنگى جوتەلىن جويۋدا قولدانىلاتىن وتە تانىمال ءدارى dextromethorphan عا قاراعاندا ءونىمى جاقسىراق ەكەنى انىقتالعان. سونىمەن بىرگە انتيگيستاميندىك (الەرگياعا قارسى) Benadryl دەگەن اتپەن ساتىلاتىن تانىمال ءدارى  diphenhydramine نەن دە ەمدىك قاسيەتى جوعارى بولىپ شىققان.

زەرتتەۋدىڭ سوڭىندا عالىمدار دارىگەرلەرگە اۋرۋلاردى ەمدەۋدە انتيبيوتيكتى ازىراق جازىپ، كوبىرەك بالمەن ەمدەلۋگە ناسيحاتتاعان ءجون دەپ كەڭەس ايتادى.
زەرتتەۋ ناتيجەلەرىن الەمدە 4-ورىندا تۇراتىن ايگىلى جۋرنال بريتانيا مەديسينالىق جۋرنالىنا (Journal BMJ) عا جاريالانعان.