مەملەكەت باسشىسى قاسىم-جومارت توقايەۆ قازاقستاندىقتاردى ءبىلىم كۇنىمەن قۇتتىقتادى. بۇ تۋرالى ول Twitter پاراقشاسىندا جازدى.
"مەكتەپ وقۋشىلارى مەن ستۋدەنتتەردى ءبىلىم كۇنىمەن قۇتتىقتايمىن! بۇگىن جاڭا وقۋ جىلى باستالادى. سىزدەرگە ءوز كۇش-جىگەرلەرىڭىزگە، تالپىنىستارىڭىزعا، ەڭبەكتەرىڭىزگە سۇيەنە وتىرىپ، بولاشاقتاعى جەتىستىكتەرىڭىزدىڭ ىرگەتاسىن قالاۋ مىندەتى تۇر.
جاڭا الەمدەگى ەڭ قۇندى دۇنيە سانالاتىن بىلىمگە جول اشاتىن ۇستازدارعا تابىس تىلەيمىن. پاندەميا مەكتەپتەر مەن جوعارى وقۋ ورىندارىنداعى وقۋ جىلىنىڭ باستالۋىنا كەرى اسەرىن تيگىزدى. ءبىراق بۇل ۋاقىتشا قۇبىلىس.
ۇكىمەتكە بالالار مەن جاستاردىڭ اراسىندا ءقاۋىپتى ىندەتتىڭ الدىن الىپ، سانيتارلىق نورمالاردى ساقتاي وتىرىپ، ءبىلىم بەرۋدىڭ ءداستۇرلى قالپىنا ورالۋ ءتارتىبىن ازىرلەۋ تاپسىرىلدى" دەپ جازدى توقايەۆ جەلىدەگى پاراقشاسىندا.
پىكىر قالدىرۋ