قازاقستاندا وتكەن تاۋلىكتە كوروناۆيرۋس ينفەكسياسىنىڭ بەلگىلەرى بار پنيەۆمونيادان 2 ادام قايتىس بولعان. بۇل تۋرالى دەنساۋلىق ساقتاۋ مينيسترلىگى حابارلادى.

وتكەن تاۋلىكتە كوروناۆيرۋس ينفەكسياسى بەلگىلەرى بار پنيەۆمونيانىڭ 10 جاعدايى تىركەلىپ، 2 ادام قايتىس بولعان.

1 تامىزدان باستاپ بارلىعى 25 724 ادام اۋىرىپ، ونىڭ ىشىندە 292 ادام كوز جۇمدى. ال 5 591 ادام جازىلىپ شىققان.

مينيسترلىكتىڭ حابارلاۋىنشا، قازىرگى ۋاقىتتا كوروناۆيرۋس ينفەكسياسىنان 7 379 ادام ەم قابىلداپ جاتىر. ولاردىڭ اراسىندا 30 بالا بار. ستاسيونارلاردا 3 811 ناۋقاس جاتىر. 3 568 ادام امبۋلاتوريالىق جاعدايدا ەمدەلىپ جاتىر.

جالپى 197 ناۋقاستىڭ ءحالى ناشار. سونىڭ ىشىندە 35 ناۋقاستىڭ جاعدايى اسا قاتتى اۋىر. 42 ناۋقاس وكپەنى جاساندى جەلدەتۋ اپپاراتىندا جاتىر.