جۇڭگو مەن ءۇندىستان ەكى ەلدى ءبولىپ تۇرعان داۋلى باقىلاۋ سىزىعىندا تاعى ءبىر قاقتىعىستىڭ شيەلەنىسىنە تاپ بولدى. بۇل تۋرالى South China Morning Post حابارلادى.
"الايدا ادام شىعىنى نەمەسە سوعىس باستالعانى بەلگىسىز. ءۇندىستان كۇشتەرى لاداكتەگى پانگونگ سزو كولىنە جاقىن جەردە بولعان وقيعا جۇڭگو اسكەرلەرىنىڭ ءبىر توبەنى باسىپ الۋعا تىرىسۋىنان بولعان دەپ وتىر" دەپ جازدى باسىلىم.
نيۋ-دەليدەن الىنعان دەرەككوز South China Morning Post-قا قىتايلىق اسكەرلەر ءۇندىستان اۋماعىنا كىرگەنىن ايتقان.
ءۇندىستان ارمياسىنىڭ وكىلى پولكوۆنيك امان اناند قىتايلىق اسكەرلەر بۇرىنعى كەلىسىمدەردى "بۇزعانىن" جانە "ارانداتۋشىلىق اسكەري قيمىلداردى" جاساعانىن مالىمدەگەن.
الايدا، قىتايدىڭ سىرتقى ىستەر مينيسترلىگى ءوز اسكەرلەرىنىڭ ءۇندىستان تەرريتورياسىنا كىرگەنىن جوققا شىعاردى.
باسپا ءسوز حاتشىسى چجاو ليسزيان قىتايلىق اسكەرلەرگە ارنالعان بريفينگتە ءۇندىستان مەن قىتايدى ءبولىپ تۇرعان ناقتى باقىلاۋ سىزىعىن "ءارقاشان قاتاڭ ساقتايدى" دەپ مالىمدەگەن.
سونىمەن قاتار، جۇڭگو وكىلى چجان شۋيلي ءۇندىستان جاعىنداعى كۇشتەر ناقتى باقىلاۋ سىزىعىنان ءوتىپ، "قىتايدىڭ اۋماقتىق ەگەمەندىگىن ايتارلىقتاي بۇزدى" دەپ مالىمدەدى.
سوڭعى سەنبىگە قاراعان ءتۇنى بولعان وقيعانىڭ ەگجەي-تەگجەيلەرى تۋرالى باسقا ەشتەڭە ايتىلمادى.
وسى جىلدىڭ ماۋسىم ايىندا گالۆان القابى ايماعىندا جۇڭگو مەن ءۇندىستان اسكەرلەرى اراسىندا بولعان ۇلكەن قاقتىعىستان كەيىن 20 ءۇندى ساربازى قازا تاپقان.
پىكىر قالدىرۋ