مەملەكەت باسشىسى قاسىم-جومارت توقايەۆ مەديسينا قىزمەتكەرلەرىنىڭ جالاقىسى ەكى ەسەگە ارتاتىنىن اتاپ ايتتى.
– پاندەميادان تۋىنداعان داعدارىس ءبىزدى كوپ نارسەگە ۇيرەتتى. ماسەلەن، دارىگەرلەردىڭ ەڭبەگىن باعالاۋدى. ال ءبىر كەزدەرى مەديسينالىق قىزمەتكەرلەر مەملەكەت نازارىنان تىس قالعان ەدى. ارينە، ماماندىقتىڭ ماڭىزدىلىعى ماتەريالدىق قاراجاتپەن بەكۋى ءتيىس. ەڭ جاقىن اراداعى بيۋدجەتتى ناقتىلاۋدا مەديسينا قىزمەتكەرلەرىنە ەكىنشى جارتىجىلدىق ءۇشىن ىنتالاندىرۋ ۇستەمەاقىسىن تولەۋگە 150 ملرد تەڭگە ءبولۋدى تاپسىرامىن، – دەدى پرەزيدەنت.
پرەزيدەنت مۇنى داعدارىس جاعدايىندا عانا ەمەس، جۇيەلى نەگىزدە جاساۋ قاجەتتىگىن اتاپ ايتتى.
– 2023 جىلعا قاراي دارىگەرلەردىڭ جالاقىسى ەكونوميكاداعى ورتاشا جالاقىدان ەكى ەسە ارتىق بولادى، – دەدى توقايەۆ.
پىكىر قالدىرۋ