بۇگىن الماتى اكىمى ب. ساعىنتايەۆ جانە زيالى قاۋىم وكىلدەرى اباي ەسكەرتكىشىنە گۇل شوقتارىن قويدى. بۇل ءراسىم ابايدىڭ تۋعان كۇنىنە ورايلاستىرىلعان، ەندى بيىلعى جىلدان باستاپ اقىننىڭ تۋعان كۇنى اتالىپ وتەتىن بولادى.
سالتاناتتى شاراعا جازۋشىلار مەن اقىندار ولجاس سۇلەيمەنوۆ، مۇرات اۋەزوۆ، روللان سەيسەنبايەۆ، باقىتجان قاناپيانوۆ جانە باسقالارى قاتىستى.
«ابايدىڭ تۋعان كۇنى رەسمي مەرەكە بولىپ بەلگىلەندى. بۇل كۇن قازاقتىڭ مادەنيەتىن، ادەبيەتى مەن پوەزياسىن بەينەلەيدى. پرەزيدەنت جاريالاعان ۇلى ويشىل جانە جازۋشىنىڭ 175 جىلدىعى اقىننىڭ پوەتيكالىق، فيلوسوفيالىق ەڭبەكتەرىنىڭ عىلىمي-زەرتتەۋ جۇمىسىن جانداندىرماق. ابايدىڭ مۇراسى ءالى زەرتتەلۋ كەرەك. بۇل رەتتە ۇلى اباي ايتقان پرينسيپتەر، ياعني ەڭبەكقورلىق، بىلىمگە دەگەن قۇشتارلىق، ادامزاتتى ءسۇيۋ مەن وي تازالىعى تۋرالى پىكىرلەرى وزەكتىلىگىن جويمايدى. اباي كۇنى قۇتتى بولسىن!»، — دەپ جازدى الماتى اكىمى ب. ساعىنتايەۆ Instagram-داعى ءوزىنىڭ پاراقشاسىندا.
پىكىر قالدىرۋ