بۇگىن، 10 تامىزدا اباي كۇنى العاش رەت رەسمي مەرەكە رەتىندە اتالىپ وتىلۋدە. فيلولوگيا عىلىمدارىنىڭ دوكتورى، پروفەسسور، ابايتانۋشى ايگۇل ءىسماقوۆا، قازاقتىڭ ءبىرتۋار اقىنى، فيلوسوف، اعارتۋشى ابايدىڭ 175 جىلدىعىنا وراي وڭىرلىك كوممۋنيكاسيالار قىزمەتىنە بەرگەن سۇحباتىندا ۇلى اباي مۇراسىنىڭ ماڭىزدىلىعى تۋرالى ايتتى.

«مەرەكە ادامعا ءبىر ءسات كىدىرىپ، رۋحاني كۇيىنە نازار اۋدارۋعا مۇمكىندىك بەرەدى. ابايدىڭ شىعارمالارىن وقۋ كەرەك جانە ءدال ءقازىر ادامدارعا اباي وتە قاتتى قاجەت ەكەنىن ايتۋىمىز كەرەك. ابايدىڭ جازبالارىنان قازىرگى جاعدايدان قالاي شىعۋعا بولاتىنىنا جاۋاپ تابۋعا بولادى (قازىرگى كوروناۆيرۋستىق پاندەميا جاعدايى تۋرالى). ءار ادام ءوزىن جانە اينالاسىنداعىلاردىڭ اۋىرىپ قالماۋىن عانا ەمەس، سونىمەن بىرگە بۇكىل ەلگە قالاي كومەكتەسۋگە بولاتىندىعى تۋرالى ويلانۋى قاجەت. ءبىز بىر-بىرىمىزگە مەيىرىمدى جانە ءىلتيپاتتى بولۋىمىز كەرەك»، — دەپ اتاپ ءوتتى ايگۇل ءىسماقوۆا.

ايگۇل ءىسماقوۆا سونىمەن بىرگە، ۇلى ابايدىڭ ءوز ەڭبەكتەرىندە وقۋعا، اعارتۋعا جانە سىني تۇرعىدان ويلاۋعا شاقىرعانىن ەسكە الدى. ول ابايدىڭ شىعارمالارىن كارانتين كەزىندە قايتا زەردەلەپ، وقۋعا كەڭەس بەردى.

«اباي: "ءبىلىمدى ادام-اعارتۋشى، زياتكەر تۇلعا بولۋى كەرەك"، –دەدى. ۋاقىتقا سىن كوزبەن، ءوزىن-وزى تانۋ تۇرعىسىنان قاراۋ كەرەك. ءقازىر "قالايشا تابىستى، باي بولۋعا بولادى، جىلدام وزگەرىپ جاتقان زاماندا قالاي ءوزىڭدى قالىپتاستىرۋعا بولادى" دەگەن سەكىلدى ترەنينگتەر ءوتىپ جاتىر. اباي شىعارمالارى – ءبىزدىڭ زامانداستارىمىز ءۇشىن ەڭ ۇلكەن قوزعاۋشى كۇش. اباي – بۇل ءومىردى لايىقتى ءسۇرىپ، ابىرويىڭ مەن قادىر-قاسيەتىندى قالاي ساقتاۋعا بولاتىندىعى تۋرالى موتيۆاسيا جۇيەسى»، — دەپ ءسوزىن تۇيىندەدى فيلولوگ.