الماتىدا جەدەل جاردەم قىزمەتىنە كوروناۆيرۋس، جرۆي جانە پنيەۆمونيا بەلگىلەرى بويىنشا تۇسەتىن شاقىرتۋلار 70%-عا تومەندەدى. بۇل تۋرالى الماتى قالاسىنىڭ قوعامدىق دەنساۋلىق ساقتاۋ باسقارماسىنىڭ باسشىسى كامالجان نادىروۆ وڭىرلىك كوممۋنيكاسيالار قىزمەتىنىڭ الاڭىنداعى ونلاين-بريفينگ بارىسىندا ايتتى.

بريفينگ بارىسىندا ك. نادىروۆ كوروناۆيرۋستىق ينفەكسيامەن كۇرەسۋ ءۇشىن قابىلدانعان شارالار قازىرگى جاعدايعا وڭ اسەر ەتكەنىن اتاپ ءوتتى.

«جەدەل جاردەم قىزمەتىنىڭ جۇمىسىنا تۇسكەن كۇش تومەندەگەنى بايقالادى. جرۆي، كۆي جانە پنيەۆمونياعا شاعىم ايتۋشىلاردىڭ سانى 70%-عا تومەندەدى. ىندەتتىڭ ناعىز ورشىگەن تۇسىندا ءاربىر ەكىنشى قوڭىراۋ كوروناۆيرۋس بەلگىلەرى بويىنشا ءتۇستى. بۇگىندە كوۆيد جانە پنيەۆمونيا بەلگىلەرى بويىنشا تۇسەتىن شاعىمدار سانى 10-11%-دان اسپايدى»، — دەدى كامالجان نادىروۆ.

ەستەرىڭىزگە سالا كەتەيىك، بۇعان دەيىن الماتىدا ناۋقاستاردى اۋرۋحاناعا جاتقىزۋ الگوريتمىنە ءبولۋ جۇيەسىن ەنگىزۋ ارقىلى وزگەرىستەر ەنگىزىلگەن بولاتىن. ياعني، ءقازىر ناۋقاستاردى گوسپيتاليزاسيالاۋ مەديسينالىق مەكەمەلەردە بوس ورىنداردىڭ بولۋىنا قاراي ەمەس، كەرىسىنشە ناۋقاستىڭ اۋرۋىنىڭ اۋىرلىعىنا بايلانىستى بولىنەدى. جەڭىل جانە سيمپتومى بىلىنبەيتىن كوروناۆيرۋسى بار ناۋقاستار ۇيدە ەم الادى.

«بۇگىندە ۇيدە 1268 ادام مەديسينالىق باقىلاۋدا. ونىڭ ىشىندە سيمپتومى بىلىنبەيتىندەر – 667، ال 601-ى جەڭىل دارەجەدەگى ناۋقاستار. سوڭعى ەكى اپتادا وسى ساناتتاعى ناۋقاستاردىڭ سانى (امبۋلاتوريالىق ەمدە) 50%-عا ازايدى»، — دەپ تۇيىندەدى كامالجان نادىروۆ.

اۋرۋ دەڭگەيىنىڭ تومەندەۋىنە قاراماستان، COVID-19-بەن كۇرەسۋ ءۇشىن امسك دەڭگەيىندە الەۋەتتى ارتتىرۋ جۇمىستارى جالعاسۋدا. ماۋسىمدا ءموبيلدى توپتاردىڭ سانى 72 بولسا، بۇگىندە ولاردىڭ سانى 296-نى قۇرايدى. اۋرۋمەن كۇرەسۋگە جۇمىلدىرىلعان ماماندار سانى 5 ەسەگە ارتىپ، 925 دارىگەردى قۇرادى. جالپى، سوڭعى ەكى اپتادا ەمحاناعا كەلۋشىلەر سانى 30% -عا تومەندەدى.