وسكەمەنگە ق ر دەنساۋلىق ساقتاۋ ءمينيسترى الەكسەي سوي كەلدى. رەسمي ساپار بارىسىندا مينيستر جوندەۋ جۇمىستارى ءجۇرىپ جاتقان جاڭا پۋلمونولوگيا ورتالىعىندا بولىپ قايتتى.
بۇرىنعى جەدەل جاردەم اۋرۋحاناسىنىڭ مەكەمەسىندە اشىلاتىن پۋلمونولوگيا ورتالىعى زاماناۋي مەديسينالىق قۇرالدارمەن جابدىقتالماق. اتاپ ايتساق، دياگنوستيكالىق بولىمدە ءموبيلدى رەنتگەن اپپاراتى جانە كومپيۋتەرلىك توموگرافيا ورناتىلادى. سونداي-اق، ناۋقاستارعا ارنالعان ءار ورىن وتتەگى جەلىسىمەن قامتاماسىز ەتىلەدى. بۇدان بولەك، ورتالىق قاراماعىندا پتر زەرتحاناسىنىڭ جۇمىسى دا جوسپارلانعان.
– ءار ايماقتىڭ الدىمىزدا كەلە جاتقان كوروناۆيرۋس ينفەكسياسىنىڭ جاڭا تولقىنىنا دايىندىعىن كورۋ ءبىز ءۇشىن ماڭىزدى. سونىڭ ىشىندە شىعىس قازاقستان وبلىسىندا اۋقىمدى جۇمىستار اتقارىلىپ جاتقاندىعىن ايتا الامىن. سەبەبى دەنساۋلىق ساقتاۋ سالاسىنا كوپتەپ كوڭىل ءبولىنىپ، زاماناۋي مەديسينالىق جابدىقتار ساتىپ الىنعان، – دەدى مينيستر الەكسەي سوي.
