پرەزيدەنت قاسىم-جومارت توقايەۆ مينيسترلىكتەردەگى جاۋاپتى حاتشىلار ينستيتۋتىن تاراتۋدى تاپسىرعان بولاتىن. قازاقستان پرەمەر-مينيسترىنىڭ ورىنباسارى ەرالى توعجانوۆ جاۋاپتى حاتشىلاردىڭ جالاقىسى تۋرالى ۇكىمەت ۇيىندە وتكەن باسپا ءسوز ءماسليحاتىندا حابارلادى.
"جاۋاپتى حاتشىلاردىڭ ورتاشا جالاقىسى بۇگىندە 685 مىڭ تەڭگەدەن باستالىپ، جۇمىس وتىلىنە قاراي 815-830 مىڭ تەڭگەگە دەيىن جەتەدى. ولاردى باسقا مينيسترلىككە نەمەسە ۆەدموستۆوعا جىبەرۋ – بۇل تىكەلەي ءبىرىنشى باسشىنىڭ وكىلەتى. قاسىم-جومارت كەمەل ۇلى بۇل ماسەلەگە قاتىستى ناقتى ۇستانىمىن، ءبىرىنشى كەزەكتە جاۋاپكەرشىلىك ماسەلەسىن ايقىنداپ بەردى. ءاربىر مينيسترلىكتە جاۋاپكەرشىلىك ءمينيستردىڭ وزىنە جۇكتەلۋى ءتيىس. بۇگىندە جاۋاپتى حاتشى ينستيتۋتى 15 مينيسترلىكتە بار جانە اپپارات باسشىلارىنىڭ قىزمەتتىك مىندەتى "مەملەكەتتىك قىزمەت تۋرالى" زاڭدا ناقتى جازىلعان"، - دەدى ەرالى توعجانوۆ.
پىكىر قالدىرۋ