«مەملەكەت باسشىسى قاسىم-جومارت توقايەۆ ق ر پارلامەنتى پالاتالارىنىڭ بىرلەسكەن وتىرىسىندا «جاڭا جاعدايداعى قازاقستان: ءىس-قيمىل كەزەڭى» اتتى قازاقستان حالقىنا جولداۋىن جاريالادى. جولداۋ كۇتكەندەگىدەي بولدى. بۇل، اسىرەسە پاندەميا كەزەڭىندە وتە ماڭىزدى بولدى، ول ەكونوميكادا دا، الەۋمەتتىك سالادا دا ءبىرقاتار سىرقات نۇكتەلەر مەن جۇيەلى پروبلەمالاردى بەلگىلەدى. بۇل جولداۋ، ءبىر جاعىنان، بەلگىلى ءبىر دارەجەدە ريەۆوليۋسيالىق، ەكىنشى جاعىنان، ق ر تۇڭعىش پرەزيدەنتى – ەلباسى نۇرسۇلتان نازاربايەۆتىڭ مىندەتتەرى مەن نۇسقاۋلارىن ودان ءارى دامىتۋعا باعىتتالعان ەۆوليۋسيالىق بولىپ تابىلاتىنىن اتاپ وتكىم كەلەدى. بۇل جاڭا قازاقستان قۇرىلىسىنىڭ نەگىزىنە الىنعان مەملەكەت ساياساتىنىڭ ساباقتاستىعىن كورسەتەدى. اتاپ ايتقاندا، ەل پرەزيدەنتى مەملەكەتتىك باسقارۋدىڭ جاڭا ۇلگىسى مەن جاڭا كادر ساياساتى قاجەت ەكەنىن اتاپ ءوتتى. قازىرگى ۇلگى قازىرگى زامانعى تالاپتى تولىعىمەن قاناعاتتاندىرمايدى. وسىعان بايلانىستى ستراتەگيالىق جوسپارلاۋ جانە رەفورمالار جونىندەگى اگەنتتىكتى قايتا قۇرۋ، وعان ستاتيستيكا كوميتەتىن بەرۋ وزەكتى ءارى ۋاقتىلى بولىپ وتىر. مەنىڭ ويىمشا، بۇل ءىس جۇزىندە قولجەتىمدى ەمەس، عىلىمي نەگىزدەلمەگەن، قارجىسى ءىس جۇزىندە قۇمعا كەتكەن كوپتەگەن مەملەكەتتىك جانە سالالىق باعدارلامالاردى وڭتايلاندىرۋعا مۇمكىندىك بەرەدى»، - دەدى سەناتور. ە.مامىتبەكوۆ پرەزيدەنتتىڭ مەملەكەتتىك قىزمەتتى قايتا سارالاۋ تاپسىرماسى تۋرالى ايتتى. «مەملەكەتتىك اپپاراتتى جانە مەملەكەتتىك قىزمەتشىلەر سانىن 2020 جانە 2021 جىلدارى 25 پايىزعا قىسقارتۋ تۋرالى مىندەت قويىلدى. بۇل. مەملەكەتتىك قىزمەتشىلەردىڭ جالاقىسىن ارتتىرۋعا مۇمكىندىك بەرەدى. ال ەڭبەكاقى تولەۋدىڭ فاكتورلىق-بالدىق جۇيەسىنە كوشۋ سينەرگەتيكالىق ناتيجە الۋعا مۇمكىندىك بەرەدى. مەنىڭ ويىمشا، جاۋاپتى حاتشىلار ينستيتۋتىن جويۋ تۋرالى شەشىم ريەۆوليۋسيالىق بولىپ تابىلادى. بۇل اتالعان ينستيتۋت مينيسترلىكتەردىڭ تۇراقتى جۇمىسى مەن ناقتى كادر ساياساتى بولىگىندە وزىنە جۇكتەلگەن ۇمىتتەردى اقتاماۋىنا بايلانىستى. سونىمەن قاتار، مينيسترلەر مەن جاۋاپتى حاتشىلار اراسىندا مۇددەلەر قاقتىعىسى ءجيى تۋىندادى، بۇل مەملەكەتتىك ورگاننىڭ قىزمەتىنە تەرىس اسەر ەتتى. بۇل شەشىم تەك پايدالى بولادى. جولداۋدىڭ باستى مازمۇنى ەكونوميكالىق دامۋ جانە حالىقتىڭ ءال-اۋقاتىن ارتتىرۋ بولىپ تابىلادى. وندا مەملەكەت باسشىسى مىناداي پوستۋلاتتاردان تۇراتىن جاڭا ەكونوميكالىق باعىتتى ايقىندادى: يگىلىكتەر مەن مىندەتتەردى ءادىل ءبولۋ، جەكە كاسىپكەرلىكتىڭ جەتەكشى ءرولى، ادال باسەكەلەستىك، جوعارى تەحنولوگيالىق ەكونوميكا مەن ادامي كاپيتالدى دامىتۋ، جاسىل ەكونوميكا مەن ەكولوگيا ماسەلەلەرى، نەگىزدەلگەن شەشىمدەر قابىلداۋ جانە ولاردىڭ قوعام الدىندا ورىندالۋى ءۇشىن جاۋاپكەرشىلىك بولىپ وتىر. سونداي-اق مەملەكەت باسشىسىنا تىكەلەي باعىناتىن باسەكەلەستىك جونىندەگى اگەنتتىك قۇرۋ دا وزەكتى ەكەنى اقيقات»، - دەدى دەپۋتات. سەناتور اتاپ وتكەندەي، قاسىم-جومارت توقايەۆ اعىمداعى جىلدىڭ سوڭىنا دەيىن جانە 2021 جىلدىڭ ءبىرىنشى جارتىسىنا دەيىن قابىلدانۋى ءتيىس ءبىرقاتار زاڭ جوبالارىن ايقىندادى. بۇل ەنەرگەتيكا، كولىك الەۋەتى، مۇناي حيمياسى جانە باسقالارى تۋرالى زاڭ جوبالارى. «جولداۋداعى بۇكىل ءبولىم شاعىن جانە ورتا بيزنەستى دامىتۋعا ارنالعان. ۇكىمەتكە شاعىن جانە ورتا بيزنەس ءۇشىن ءبىرقاتار پرەفەرەنسيالار مەن ىنتالاندىرۋ شارالارىن انىقتاۋ تاپسىرىلدى. مەملەكەت پەن ينۆەستورلار اراسىنداعى ۋاعدالاستىقتاردى تىركەۋ ماقساتىندا ەكونوميكانىڭ ستراتەگيالىق سالالارىندا قولدانىلاتىن ستراتەگيالىق ينۆەستيسيالىق كەلىسىمنىڭ ءبىرىڭعاي قۇرالىن ازىرلەۋ تاپسىرىلدى. بۇدان باسقا، وڭدەۋ ونەركاسىبىندە رەتتەۋ تەتىگىن ازىرلەۋ جانە كۆازيمەملەكەتتىك سەكتور قىزمەتى ءۇشىن ءبىرىڭعاي زاڭ ازىرلەۋ تاپسىرىلدى. جالپى جولداۋدا ناقتى مىندەتتەر، شەشۋ جولدارى ايقىندالىپ، ورىندالۋ مەرزىمدەرى انىق بەلگىلەندى. ءبىزدىڭ باستى مىندەتىمىز – ەل پرەزيدەنتى قاسىم-جومارت توقايەۆ جولداۋدا اتاپ كورسەتكەن بارلىق نارسەنى ورىنداۋ بولىپ تابىلادى»، - دەپ تۇيىندەدى ويىن ە.مامىتبەكوۆ.