مەملەكەت باسشىسى قاسىم-جومارت توقايەۆ ەنەرگەتيكا ءمينيسترى نۇرلان نوعايەۆتى قابىلدادى، دەپ حابارلايدى اقوردا.
نۇرلان نوعايەۆ پرەزيدەنتكە بولاشاقتا تەڭىز كەنىشىن كەڭەيتۋ مەن ەرنەۋلىك قىسىمدى باسقارۋ جونىندەگى جوبالاردىڭ جۇزەگە اسىرىلۋى تۋرالى باياندادى. بۇل جوبالار 2022 جىلدىڭ ءقۇڭىنا دەيىن مۇناي ءوندىرىسىن 12 ملن تونناعا ارتتىرۋعا مۇمكىندىك بەردى.
سونداي-اق ول 2025 جىلعا دەيىن مۇنايگازحيميا سالاسىندا جالپى سومماسى 15 ملرد اقش دوللارىن بولاتىن جوبالار جۇزەگە اسىرۋ جوسپارلانعانىن اتاپ ءوتتى.
ءمينيستردىڭ ايتۋىنشا، جىل باسىنان بەرى قۋاتتىلىعى 432،05 مۆتتىق جاڭارتىلاتىن قۋات كوزدەرىنىڭ 15 نىسانى ىسكە قوسىلعان. جىل سوڭىنا دەيىن تاعى 260 مۆت جاڭارتىلاتىن قۋات كوزدەرىنىڭ نىساندارى پايدالانۋعا بەرىلمەك.
نوعايەۆ 1 قىركۇيەكتەن باستاپ سالانى سيفرلاندىرۋ باعدارلاماسى اياسىندا قازبا بايلىقتاردى پايدالانۋ قۇقىعى بويىنشا اۋكسيونداردى ەلەكتروندى فورماتتا وتكىزۋ جوسپارلانىپ وتىرعانىنا توقتالدى. بۇل كونكۋرستىق ۇدەرىستەردىڭ اشىق ءجۇرۋىن قامتاماسىز ەتىپ، كاسىپكەرلەردىڭ شىعىندارىن ازايتادى.
كەزدەسۋ قورىتىندىسى بويىنشا مەملەكەت باسشىسى ەنەرگەتيكا سالاسىن دامىتۋعا قاتىستى ءبىرقاتار ناقتى تاپسىرما بەردى.
پىكىر قالدىرۋ