قازاقستان رەسپۋبليكاسىنىڭ بۇرىنعى پرەزيدەنتى نۇرسۇلتان نازاربايەۆقا يادرولىق قارۋسىزداندىرۋ ءۇشىن "چەمپيون ستاتۋسى" بەرىلگەن-بەرىلمەگەنى تۋرالى كۇدىكتەر قازاق باسپاسوزىندە كوتەرىلگەن. بۇعان سەبەپ، بۇۇ باس اسسامبلەياسىنىڭ 29 تامىز حالىقارالىق يادرولىق سىناقتارعا قارسى ءىس-قيمىل كۇنىنە ارنالعان ارنايى سەسسيادا بۇۇ باس اسسامبلەياسىنىڭ 74ء-شى سەسسياسىنىڭ ءتوراعاسى مۇحامماد تيجاني-باندە جانە يادرولىق سىناقتارعا جاپپاي تىيىم سالۋ شارتى ۇيىمىنىڭ (ياسجتشۇ) اتقارۋشى حاتشىسى لاسسينا زەربو قازاقستاننىڭ ەكس-پرەزيدەنتى تۋرالى "championing" دەگەن ءسوزدى قولدانعان بولسا دا، "چەمپيوندىق ستاتۋس" تۋرالى ەشقانداي ءسوز ايتپاعان. دەگەنمەن، قازاقستان سىرتقى ىستەر مينيسترلىگى نازاربايەۆقا يادرولىق سىناقتاردان ازات ەتۋ ءۇشىن "چەمپيوندىق ستاتۋس" بەرىلگەنى جايىندا اقپارات تاراتقان.
ال، Azattyq.org جانە factcheck.kz سياقتى سايتتار "championing" دەگەن ءسوزدى نەگىزگە الىپ، بۇۇ مەن ياسجتشۇ-دا ايتىلماعان "چەمپيوندىق ستاتۋسقا" كۇمان كەلتىرگەن.
وسىعان بايلانىستى قامشى رەداكسياسى يادرولىق سىناقتارعا جاپپاي تىيىم سالۋ شارتى ۇيىمىنا (ياسجتشۇ) رەسمي حات جولداعان بولاتىن. ياسجتشۇ قامشى ءجۋرناليستىنىڭ ساۋالىنا جاۋاپ بەردى. ۇيىم نازاربايەۆتىڭ "چەمپيون ستاتۋسىن" العانىن راستادى جانە جاقىن ارادا تولىق حابارلاما جاسايتىنىن مالىمدەدى.
"قۇرمەتتى تالعار،
سىزگە دەرەۋ حابارلاسۋ مۇمكىن بولماعانى ءۇشىن كەشىرىم وتىنەمىن، ءبىراق مەن مۇنىڭ دۇرىستىعىن راستاعانىما وتە قۋانىشتىمىن جانە ءبىز جاقىن ارادا تولىق حابارلاما جاسايتىن بولامىز.
قۇرمەتپەن،
گيلل تيۋدور
قوعامدىق اقپارات ءبولىمىنىڭ باستىعى
قۇقىقتىق جانە سىرتقى بايلانىستار ءبولىمى
يادرولىق سىناقتارعا جاپپاي تىيىم سالۋ تۋرالى شارت ۇيىمى (ياسجتشۇ)
ۆەنا حالىقارالىق ورتالىعى"
دەپ جازىلعان رەسمي جاۋاپ حاتتا.
جاۋاپتىڭ اعىلشىن تىلىندەگى ءتۇپنۇسقاسى تومەندە بەرىلدى:
Dear Talgar،
I’m sorry I wasn’t able to get back to you immediately but am very glad to confirm this is correct، and we will be making a full announcement very soon.
Best regards،
Gill Tudor
Chief، Public Information Section
Legal & External Relations Division
The Comprehensive Nuclear-Test-Ban Treaty Organization (CTBTO)
Vienna International Centre
پىكىر قالدىرۋ