«حابار» تەلەارناسىندا جاڭا ماۋسىم قارساڭىندا جاڭا جوبا! كوگىلدىر ەكراننان كورەرمەنگە جۋىردا جول تارتقان «QALAMAIMYN» جوباسى – ەلىمىزدەگى قازاقى ناقىشتاعى تۇڭعىش توك-شوۋ. جوبا اياسىندا وتاۋ قۇرىپ، وتباسىلىق ومىرگە اياق باسقالى تۇرعان 12 جۇپتىڭ قۇدالاسىپ، قۇدانداسۋى جۇزەگە اسادى. اتالمىش جوبانى دۇيسەنبى-جۇما كۇندەرى ارالىعىندا «حابار» تەلەارناسىنان تاماشالاي الاسىزدار.
جوباعا قازاقستان رەسپۋبليكاسىنىڭ پرەزيدەنتى – قاسىم-جومارت كەمەل ۇلى توقايەۆتىڭ: «تەليەۆيزيالىق جانە راديو حابارلارىنىڭ ساپاسىن ارتتىرۋ قاجەت. ارزان ويىن-كۇلكىدەن گورى، ۇلتتىق يدەياعا قىزمەت ەتەتىن توپىراعىمىزدان تامىر العان ءتول باعدارلامالاردى مولايتۋ قاجەت..»،-دەگەن سوزدەرى مەن ۇسىنىسىنىنىڭ نەگىز بولعانىن توك-شوۋ ۇيىمداستىرۋشىلارى تىلگە تيەك ەتەدى. سونداي-اق، جوبانىڭ باستى ماقساتى – مەملەكەت باسشىسىنىڭ توي-دۋمانعا قاتىستى ۇندەۋىن حالىققا دۇرىس جەتكىزۋ. ۇلتتىق قۇندىلىقتاردى ۇلىقتاي وتىرىپ، قازاقى قۋانىشتى ءتول ءداستۇر جولىمەن وتكىزۋ. داراقىلىقتان تىيىپ، بۇرمالانعان سالت-سانانى تۇزەتۋ، ۇلكەندەر مەن جاس بۋىننىڭ اراسىنا دانەكەر بولۋ.
«Qalamaimyn» رەاليتي-شوۋى قازاقستاننىڭ تۇكپىر-تۇكپىرىنەن كەلگەن 12 جۇپ ارقىلى توي-دۋماننىڭ جاڭا فورمۋلاسىن ۇسىنۋعا تىرىسادى. ياعني، باقتالاسسىز، اتاق-قۇرمەتكە دەگەن تالاس-تارتىسسىز قوس عاشىقتىڭ شاڭىراق قۇرۋىنا ات سالىسادى. ايتا كەتەتىن ءبىر ءجايت، جوباعا قاتىسۋشى شىنايى 12 جۇپ بىر-بىرىنە داۋىس بەرەتىن بولادى، ناتيجەسىندە جەڭىسكە جەتكەن جۇپقا ەڭسەلى ەلوردامىز نۇر-سۇلتان قالاسىنان باسپانانىڭ كىلتى تابىستالادى. توك-شوۋدىڭ ستۋدياسىندا ەكى ەلدىڭ ۇلكەندەرى ەتەنە تانىسىپ، اڭگىمە-دۇكەن قۇرىپ، ءتوس قاعىستىراتىن بولادى. «Qalamaimyn» جوباسىنىڭ الاڭى – بۇگىنگى تاڭدا كارانتيننىڭ كەسىرىنەن قۇدا بولىپ قىزدىڭ جاعىنا ءتۇسىپ بارا الماي قالعان قىز بەن جىگىتتىڭ اتا-انالىرىنىڭ تانىساتىن، قۇدالاردىڭ قاۋىشىپ، رەسمي تۇردە زاڭدى «قۇدا، قۇداعي» لاۋازىمىنا يە بولاتىن قۇدالىقتىڭ ناعىز ءتورى.
ەجەلگى زاماننان ۇلتىمىزدىڭ ۇلىقتايتىن ءسالت-داستۇرى مەن ادەپ-عۇرپىنا سۋسىنداپ، قۇدالىقتىڭ قىزىعىنا كۋا بولامىن دەسەڭىز، دۇيسەنبى-جۇما كۇندەرى ارالىعىندا، ساعات 17.00-دە «حابار» تەلەارناسىن قوسىڭىزدار. كورىگى قىزعان قۇدالىقتىڭ قۇرمەتتى دە تۇراقتى كورەرمەنىنە اينالۋعا شاقىرامىز.
پىكىر قالدىرۋ