الماتىدا مونيتورينگ ورتالىعى ءبىر اي ىشىندە ءقاۋىپتى توپتاعى 1 200-دەن استام ناۋقاسقا كەڭەس بەردى. بۇل تۋرالى وڭىرلىك كوممۋنيكاسيالار قىزمەتى الاڭىندا وتكەن بريفينگ بارىسىندا، الماتى قالاسى دەنساۋلىق ساقتاۋ باسقارماسىنىڭ باسشىسى كامالجان نادىروۆ مالىمدەدى.

سپيكەر ەپيدەميولوگيالىق احۋالدىڭ قانداي ەكەنىن جانە الماتىداعى covid-19 اۋرۋىمەن سىرقاتتانۋ، ناۋقاستاردى باسقارۋ مودەلى تۋرالى ەگجەي-تەگجەيلى ايتىپ بەردى.

«ءبىز رەزەرۆتىك توسەك سانىن ارتتىرۋدى جالعاستىرامىز. جاڭا، تەز سالىناتىن مودۋلدىك اۋرۋحانانىڭ قۇرىلىسى قارقىندى ءجۇرىپ جاتىر. بۇل 300 توسەك-ورىنعا ارنالعان ەكىنشى مودۋلدىك ينفەكسيالىق ستاسيونار بولادى. ونىڭ ىشىندە 30 – رەانيماسيالىق ورىن بار. سونىمەن قاتار ستاسيوناردى ءبىرىنشى ەشەلوننىڭ تولىققاندى كلينيكاسى رەتىندە مەديسينالىق تەحنيكامەن جابدىقتاۋ جانە قاجەتتى كادرلارمەن تولىقتىرۋ ماسەلەسى پىسىقتالۋدا»، — دەدى باسقارما باسشىسى.

1 قازانعا دەيىن، قوناق ءۇي بازاسىندا 215 توسەك- ورىندى، ونىڭ ىشىندە 34 رەانيماسيالىق ورىنى بار ەكى كوۆيد ستاسيونارى ىسكە قوسىلادى دەپ جوسپارلانۋدا. ول ستاسيونارلار بارلىق ستاندارتتارعا سايكەس قايتا قۇرىلادى. ستاسيونارلاردا باقىلاۋ جانە سۇرىپتاۋ بوكستارى، وپەراسيالىق جانە ەمحانالىق بولىمشەلەر بار.

بارلىق عيمارات جەكە كىرۋ ەسىكتەرى، زالالسىزداندىرۋ جۇيەلەرى بار ءۇش بولىككە بولىنەدى. كلينيكالاردا تازا اۋا اعىندار جۇيەسى بار. بۇل مەديسينالىق قىزمەتكەرلەردىڭ ۆيرۋس جۇقتىرۋ ءقاۋپىن ازايتۋعا مۇمكىندىك بەرەدى.

العاشقى مەديسينالىق-سانيتارلىق كومەك (امسك) دەڭگەيىندە ەمحاناعا كۆي جانە پنيەۆمونيامەن اۋرۋلارىمەن كەلەتىندەر سانى 36%-عا ازايدى.

«سىرقاتتانۋدىڭ تومەندەۋىنە قاراماستان، مساك دەڭگەيىندە 74 مەديسينالىق ۇيىم، 39 مەملەكەتتىك ەمحانا جانە 35 جەكە مەنشىك مەديسينالىق مەكەمەنىڭ جۇمىسىن ارتتىرۋدى جالعاستىرامىز. مساك مەديسينالىق ۇيىمدارىندا 9914 مەديسينا قىزمەتكەرى، ونىڭ ىشىندە 2712 دارىگەر قىزمەت ەتتى. مساك ۇيىمدارىنا تىركەلگەندەردىڭ سانى 2035 مىڭ ادامدى قۇرايدى. ونىڭ ىشىندە 1695 مىڭ ادام مەملەكەتتىك ەمحانالارعا تىركەلگەن»، — دەدى قوعامدىق دەنساۋلىق باسقارماسىنىڭ باسشىسى.

سونىمەن قاتار، ەمحانا جۇمىسى ءموبيلدى بريگادالاردى ارتتىرۋ ارقىلى كۇشەيتىلدى. ءموبيلدى بريگادانىڭ سانى 5 ەسەگە ارتىپ، 407 بريگادانى قۇرايدى. بۇل دەگەنىمىز 925 مەديسينا قىزمەتكەرى جۇمىس ىستەپ جاتىر دەگەندى بىلدىرەدى.

مونيتورينگ ورتالىعىنىڭ العاشقى ايداعى قورىتىندىسى بويىنشا، ءقاۋىپتى توپتاعى 1200 ناۋقاسقا كەڭەس بەرىلگەن.

«ەمحانادا ەپيدەميا باستالعاننان بەرى ونلاين- كەڭەس قىزمەتى ارتتى. ال قاتاڭ كارانتين كەزىندە 80%-عا دەيىن جەتتى»، — دەدى كامالجان نادىروۆ.

تەلەمەديسينانىڭ ارقاسىندا ناۋقاستىڭ ەمحاناعا دارىگەر قابىلداۋىنا كەلۋىن قاشىقتان ەمدەۋگە اۋىستىرا الدىق. وسىلايشا ناۋقاستار وزدەرىنىڭ ۋچاسكەلىك دارىگەرىنىڭ باقىلاۋىندا بولدى. 272 940 ناۋقاس 10 ملرد 831 ملن تگ قۇرايتىن 1036 مىڭ مەديسينالىق پرەپاراتتارمەن قامتاماسىز ەتىلدى. كوپ ناۋقاسقا دارىلەر ۇيىنە جەتكىزىپ بەرىلدى».