الماتى قالاسىنىڭ اكىمى باقىتجان ساعىنتايەۆتىڭ تاپسىرماسى بويىنشا مەگاپوليستە جاستار رەسۋرستىق ورتالىقتارى مەن حالىقتى جۇمىسپەن قامتۋ ورتالىعى بەلسەندى جۇمىس ىستەيدى.

ورتالىقتاردىڭ باستى مىندەتى – جۇمىس تاجىريبەسى جوق (29 جاستان اسپاعان) جوعارى وقۋ ورىندارىنىڭ تۇلەكتەرىن جۇمىسقا ورنالاستىرۋعا جاردەمدەسۋ. «جاستار پراكتيكاسى باعدارلاماسىنا» وسى كريتەرييلەرگە سايكەس كەلەتىن جاستار قاتىسا الادى، بۇل ماماندىق بويىنشا ودان ءارى جۇمىسقا ورنالاسۋ مۇمكىندىگىمەن العاشقى جۇمىس تاجىريبەسىن الۋعا، سونداي-اق ەڭبەك نارىعىندا باسەكەگە قابىلەتتىلىكتى ارتتىرۋعا مۇمكىندىك بەرەدى.

جاستار تاجىريبەسىنىڭ ۇزاقتىعى – 6 اي. ءبىر ايداعى ەڭبەكاقى 69 450 تەڭگەنى قۇرايدى (سالىقتاردى، مىندەتتى الەۋمەتتىك اۋدارىمداردى، پايدالانىلماعان ەڭبەك دەمالىسى ءۇشىن وتەماقىنى جانە بانكتىك قىزمەتتەردى ەسكەرە وتىرىپ). ەگەر جاس مامان ءوزىن جاقسى كورسەتسە، جۇمىس بەرۋشىگە ۇناسا، وندا كومپانيادا ودان ءارى رەسمي جۇمىسقا ورنالاسۋ مۇمكىن.

جالپى، وسى باعدارلاما اياسىندا جاستاردى جۇمىسقا ورنالاستىرۋ بويىنشا ەكى كەزەڭ ىسكە اسىرىلدى. ءبىرىنشى كەزەڭ اياسىندا قوعامدىق نەگىزدە جۇرگىزىلگەن ءاقپاراتتىق-تۇسىندىرۋ جۇمىستارىنىڭ ارقاسىندا 157 ادام جۇمىسقا ورنالاستىرىلدى.

اعىمداعى جىلدىڭ 12 تامىزىندا «جاستار پراكتيكاسى» باعدارلاماسى بويىنشا ءاقپاراتتىق-تۇسىندىرۋ جۇمىستارىنىڭ ەكىنشى كەزەڭى باستالدى. بۇگىنگى كۇنى 2395 ءوتىنىش كەلىپ ءتۇستى.

بۇگىنگى تاڭدا قالانىڭ جاستار رەسۋرستىق ورتالىقتارى (بۇدان ءارى – جرو) اۋدان جاستارىمەن ءتۇسىندىرۋ جۇمىستارىن جۇرگىزۋدە.

سونداي-اق، قالانىڭ جاس تۇرعىندارىنا ىڭعايلى بولۋ ءۇشىن جۇمىسپەن قامتۋ ورتالىعىنىڭ ماماندارى 8 اۋداندا جرو-دا حالىقتى قابىلدايدى.