الماتى اكىمى باقىتجان ساعىنتايەۆ №17ء-شى قالالىق ەمحانادا بولىپ، العاشقى مەديسينالىق-سانيتارلىق كومەكتىڭ كۆي ىندەتىنىڭ جاڭا تولقىنى جاعدايىنا قالاي بەيىمدەلەتىنىن تەكسەردى.

№17ء-شى ەمحانادا تازا جانە كىر اۋماقتار ارنايى بولىنگەن، فيلترلەر مەن باقىلاۋ پوستىلارى ورناتىلعان. ناۋقاستار اعىنى دارالانعان، ياعني ەمدەلۋگە جاتقىزىلاتىن نەمەسە تەكسەرۋدەن وتەتىن جرۆي بەلگىلەرى بار سىرقاتتار، بالالار، جۇكتى ايەلدەر ءوزارا ارالاسپايدى. بۇرىنعىداي دالىزدە بىرگە تۇرمايدى. ولار ءۇشىن جەكە پروسەدۋرالىق جانە زەرتحانالىق كابينەتتەر، كىرەتى، شىعاتىن ورىندار ۇيىمداستىرىلعان. ماقسات – ۆيرۋستىڭ اۋرۋحانا ىشىندە تارالۋىنا جانە قىزمەتكەرلەردىڭ ۆيرۋستى جۇقتىرۋىنا جول بەرمەۋ.

№17ء-شى ەمحاناعا بوستاندىق اۋدانىنىڭ 82 مىڭ تۇرعىنى تىركەلگەن. ولاردىڭ 28 مىڭعا جۋىعى سوزىلمالى اۋرۋلارى بولعاندىقتان ديسپانسەرلىك ەسەپتە تۇرعاندار، بۇلاردىڭ اراسىندا قان قىسىمىنا، قانت ديابەتىنە، جۇرەكتىڭ يشەميالىق اۋرۋىنا شالدىققان ناۋقاستار بار.

الماتى اكىمى ب. ساعىنتايەۆ «ءقاۋىپتى توپتاعىلارعا» جەتە نازار اۋدارۋدى تاپسىردى، ويتكەنى ولار كۆي جۇقتىراتىن بولسا، جاعدايلارى ناشارلاپ، سىرقاتتىڭ اسقىنۋى مۇمكىن.

قالانىڭ بارلىق ەمحانالارى باسشىلارىنا پيك-تەرمەن قوسا قاجەتتى اقپارات جازىلعان نۇسقاۋلىقتاردى تاراتۋ تاپسىرىلدى، مۇندا جرۆي بەلگىلەرى پايدا بولعان كەزدە كىمدەرگە جۇگىنۋ كەرەكتىگى كورسەتىلگەن.

بۇگىنگى كۇنى قۇرامىندا ەمحانالاردىڭ 40 مامانى بار 16 ءموبيلدى توپ امبۋلاتوريالىق ەم الىپ جاتقان ناۋقاستاردىڭ جاعدايلارىن باقىلاۋدا. قازىرگى كەزدە كۆي-دەن ساۋىعىپ شىققان 8 ادام، سىرقاتى جەڭىل بىرەۋ جانە 18 سيمپتومسىز ناۋقاس ەسەپتە تۇر.

جالپى، قالادا امسك 74 ۇيىمى جۇمىس جاسايدى، ولاردىڭ 39-ى مەملەكەتتىك، بۇلارعا شامامەن 1،7 ملن ادام تىركەلگەن. ال 35 جەكە ۇيىمدارعا تىركەلگەنى 340 مىڭ ادامعا جۋىق. ىندەت شارىقتاعاكن كەزدە، 15 ماۋسىمنان 15 شىلدە ارالىعىندا 2450 ۆيرۋس جۇقتىرۋشى ۇيدە، دارىگەرلەردىڭ باقىلاۋىندا ەم الدى. ءقازىر بۇلاردىڭ سانى 825 ناۋقاس. قۇرامىندا 925 دارىگەر بار 300 ءموبيلدى توپتار قۇرىلدى. ىندەتتىڭ جاڭا تولقىنىنا دايىندىق بارىسىندا بۇل رەسۋرستار ەكى ەسەگە ارتاتىن بولادى. مىندەت – كۆي بويىنشا ەپيدەميولوگيالىق احۋال ءورشيتىن بولسا، شىنايى ناۋقاستار مەن ۆيرۋس جۇقتىرۋشىلاردىدىڭ باسىم بولىگىن زاماناۋي مەديسينالىق كومەكپەن كەڭىنەن قامتۋ. الماتىنىڭ بارلىق دەنساۋلىق جۇيەسى وسىعان باعىتتالعان.