ق ر پرەمەر-مينيسترى اسقار ءماميننىڭ توراعالىعىمەن وتكەن مەملەكەتتىك كوميسسيا وتىرىسىنىڭ قورىتىندىسى بويىنشا، جانە ەپيدەميولوگيالىق جاعدايعا قاراي، الماتىدا كارانتين شارالارىن كەزەڭىمەن الۋدىڭ جوسپارى ازىرلەنگەن.

وسىلايشا، 2020 جىلدىڭ 17 تامىزىنان باستاپ (دەمالىس كۇندەرىنەن باسقا): سوسو، ساۋدا ۇيلەرىن (بۋتيكتەر)، ساۋدا جەلىلەرى، اۋماعى 500 شارشى مەتردەن اساتىن دۇكەندەر، جابىق تيپتەگى ازىق-تۇلىكتىك جانە ازىق-تۇلىكتىك ەمەس بازارلار (كەلۋشىلەر 30% اسپاۋى ءتيىس،1 كەلۋشى ءۇشىن 4 شارشى مەتر)؛ بالالارعا ارنالعان تۇزەتۋ كابينەتتەرى، بالالارعا جانە ەرەسەكتەرگە ارنالعان ءبىلىم بەرۋ ورتالىقتارى (توپتار – 5 ادامنان اسپاۋى كەرەك، الدىن الا جازىلۋ بويىنشا) كەزەڭىمەن ىسكە قوسۋ شەشىمى قابىلداندى.

سونىمەن بىرگە، قىزمەت كورسەتۋ سالاسىنىڭ نىساندارى دا (دەمالىس كۇندەرىنەن قوسپاعاندا): سۇلۋلىق سالوندارى، شاشتارازدار، كوسمەتولوگيالىق قىزمەت تۇرلەرىن كورسەتەتىن نىساندار؛ سپا ورتالىقتارى (1 كەلۋشى ءۇشىن 4 شارشى مەتر، الدىن الا جازىلۋ ارقىلى)، فيتنەس ورتالىقتار (باسسەينسىز) (1 كەلۋشى ءۇشىن 5 شارشى مەترگە دەيىن، قۋاتتىلىعى 50% اسپايتىنداي، الدىن الا جازىلۋ ارقىلى)، مونشالار، ساۋنالار (باسسەينسىز) (كەلۋشىلەر 50%-دان اسپاۋى كەرەك، 1 كەلۋشىگە 4 شارشى مەتر)، سونداي-اق، اشىق دالاداعى اتتراكسيوندار جۇمىسقا قايتا ورالادى.

قىزمەتتەرىن جاڭارتۋ ءۇشىن كاسىپكەرلەرگە تالاپ ەتىلەتىن سانيتارلىق نورمالارمەن تانىسىپ، infokazakhstan.kz سايتىندا مىندەتتى تىركەۋدەن ءوتۋ قاجەت. تالاپتارمەن كەلىسكەن جاعدايدا، نىساننىڭ دايىندىعىن جانە جازىلعان نورمالاردى ساقتاۋعا كەپىلدىك بەرەتىنىن ەلەكتروندى ساندىق قولتاڭبا قويۋ (ەسق) ارقىلى راستاۋ كەرەك.
سونىمەن بىرگە، اۋماعى 2000 شارشى مەتردەن اساتىن ءىرى ساۋدا نىساندارىن، سونداي-اق، جابىق تيپتەگى ازىق-تۇلىكتىك ەمەس جانە ازىق-تۇلىكتىك بازارلاردى اشۋ نىساننىڭ دايىندىعىن باعالاۋدان وتكەننەن كەيىن جانە سانيتارلىق نورمالارعا ساي ەكەندىگىن راستايتىن اكتتى العاننان كەيىن رۇقسات ەتىلەدى. نىساننىڭ دايىندىعىنا باعانى الماتى ق. بويىنشا تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ، الماتى ق. كاسىپكەرلىك جانە ينۆەستيسيالار باسقارماسىنىڭ، الماتى ق. اۋدان اكىمدىكتەرى جانە الماتى قالاسىنىڭ كاسىپكەرلەر پالاتاسىنىڭ وكىلدەرىنەن قۇرىلعان جۇمىس كوميسسياسى بەرەدى.

جاڭا تالاپتارعا سايكەس، infokazakhstan.kz سايتىندا اقپاراتتاندىرۋ بەرۋ بۇعان دەيىن رۇقسات ەتىلگەن بيزنەس نىساندارىنا دا قاتىستى تارالادى.

سايتتا ءوتىنىش 2020 جىلدىڭ 15 تامىزىنان باستاپ قابىلدانادى.
قوعامدىق تاماقتانۋ نىساندارىنىڭ قىزمەتىنە (مەيرامحانالار، ءدامحانالار، اسحانالار) تەك اشىق دالادا، وتىراتىن ورىندار سانى 50-دان اسپاعان بولسا، ۇجىمدىق شارالاردى وتكىزبەۋ ارقىلى رۇقسات ەتىلگەن؛ تاپسىرىستى «سىرتقا الىپ شىعۋ» جانە تاماقتى جەتكىزىپ بەرۋگە رۇقسات ەتىلگەن.

سونىمەن بىرگە، قالادا الدىنداعىداي: ويىن-ساۋىق شارالارىن، سپورتتىق، وتباسىلىق، ەسكە الۋ، سالتاناتتى جانە باسقا دا كوپشىلىك شارالاردى، سونىمەن بىرگە ءۇي جاعدايىندا؛ كونفەرەنسيالاردى، كورمەلەردى، فورۋمداردى؛ بارلاردىڭ، بانكەت زالدارىنىڭ، كوڭىل كوتەرۋ مەكەمەلەرىنىڭ (كاراوكە، كاليان، بيليارد ورىندارى، كومپيۋتەرلىك كلۋبتار، بۋكمەكەرلىك كونتورالار، تۇنگى كلۋبتار، بوۋلينگ-ورتالىقتار، اتتراكسيوندار، فۋدكورتتار، كينوتەاترلار جانە ەرەسەكتەر مەن بالالارعا ارنالعان كوڭىل كوتەرۋ ورىندارى، بابالاردىڭ ويىن الاڭدارى، باتۋتتار جانە باسقالارى)؛ مادەنيەت نىساندارى، مۇراجايلار، ءدىني نىساندار، سونىمەن بىرگە، قالالىق جانە قوعامدىق جاعاجايلاردىڭ باسسەيندەرى، اشىق اكۆاپاركتەردىڭ جۇمىسىنا تىيىم سالىنعان.