الماتىدا ديسپانسەرلىك ەسەپتە تۇرعان ناۋقاستارعا دارىلىك پرەپاراتتاردى ۇيلەرىنە دەيىن جەتكىزىپ بەرۋ قامتاماسىز ەتىلگەن. بۇل تۋرالى الماتى قالاسىنىڭ وڭىرلىك كوممۋنيكاسيالار قىزمەتىنىڭ الاڭىنداعى ونلاين-بريفينگ بارىسىندا №5 قالالىق ەمحانانىڭ جالپى تاجىريبەلىك دارىگەرى لاۋرا مالدىبايەۆا ايتتى.

قاۋىپسىزدىك جانە ازاماتتاردىڭ جۇقتىرۋىن بولدىرماۋ ماقساتىندا ەمحانالاردىڭ اۋماعىندا ونلاين-كەڭەستەر ۇيىمداستىرىلعان، ولاردىڭ بارىسىندا ديسپانسەرلىك ەسەپتە تۇرعان ناۋقاستار قاجەتتى دارىلىك پرەپاراتتارعا الۋعا ءوتىنىش بىلدىرە الادى.

«بۇنداي ناۋقاستار ارتەريالىق گيپەرتەنزيا، يشەميالىق اۋرۋلار، جۇرەك قان تامىرلارى اۋرۋلارىمەن، برونح دەمىكپەسىمەن ەسەپتە تۇرعاندار. ولاردىڭ ءبارى دارىلىك پرەپاراتتارمەن قامتاماسىز ەتىلدى. ديسپانسەرلىك ەسەپتە تۇرعان 3000-نان استام ناۋقاس ونلاين-كەڭەس ارقىلى قاجەتتى اپپاراتتاردى سۇراتىپ، كەيىن ول دارىلەر پاسيەنتتەرگە جەتكىزىلەدى»، — دەپ حابارلادى لاۋرا مالدىبايەۆا، ول سونىمەن بىرگە، ونلاين-كەڭەستەردىڭ پاسيەنتتەرگە مەديسينالىق مەكەمەلەرگە بارۋعا كەتەتىن ۋاقىتتى ۇنەمدەۋگە مۇمكىندىك بەرگەنىن ايتتى.

ناۋقاستاردىڭ ۇيىنە دارىلىك پرەپاراتتاردى جەتكىزۋ بارلىق سانيتارلىق تالاپتاردى ەسكەرۋ ارقىلى جۇزەگە اسىرىلاتىنىن اتاپ وتكەن ءجون.