جاستار وزدەرىنە، تۋعان-تۋىستارىنا جانە قوعامعا جاناشىرلىق تانىتۋى كەرەك - قازاق اقىنى ت. مەدەتبەك الماتىلىقتاردى سانيتارلىق تالاپتاردى ساقتاۋعا شاقىرادى

قالاداعى كارانتيننىڭ جەڭىلدەۋىنە بايلانىستى، الماتى زيالىلارى جاستارعا جاۋاپتى بولۋدى جانە سانيتارلىق تالاپتاردى ساقتاۋدى جالعاستىرۋدى سۇرادى. ولاردىڭ قاتارىندا قازاق اقىنى، ق ر مەملەكەتتىك سىيلىعىنىڭ لاۋرەاتى، «قۇرمەت» جانە «پاراسات» وردەندەرىنىڭ يەگەرى تەمىرحان مەدەتبەك بار.

«دارىگەرلەردىڭ جۇمىسىنىڭ، حالىقتىڭ سانيتارلىق ەرەجەلەردى ساقتاۋىنىڭ ارقاسىندا ىندەت شەگىنۋدە. ءبىراق ونىڭ سالدارى از ەمەس جانە كەز-كەلگەن ۋاقىتتا ءورشىپ كەتۋى مۇمكىن. ءار ادام اباي بولۋ كەرەك. كارانتيندىك شارالاردى ودان ءارى ۇستانىپ، ول تۋرالى ۇمىتپاۋ كەرەك.

مەرەكەلەردى ۇيىمداستىرۋدان اۋلاق بولعان ءجون. اسىرەسە جاستار نەمقۇرايلىلىق تانىتپاۋى كەرەك. جاستار وزدەرىنە، تۋعان-تۋىستارىنا، قوعامعا جاناشىرلىق تانىتۋى كەرەك. جاستاردى شىدامدىلىققا شاقىرامىن. بولاشاق جاستاردىڭ قولىندا، سوندىقتان ولار 10 ەسە جاۋاپتى جانە مۇقيات بولۋلارى ءتيىس. بارلىق الماتىلىقتارعا جاقسىلىق، اماندىق تىلەيمىن!»، — دەدى تەمىرحان.