الماتىدا مەشىتكە بارۋدا قويىلعان شەكتەۋدىڭ ۇزارتىلعانى تۋرالى ەسكە سالدى. بۇل تۋرالى وڭىرلىك كوممۋنيكاسيالار قىزمەتىنىڭ الاڭىندا ونلاين-بريفينگ بارىسىندا الماتى قالاسىنىڭ ورتالىق مەشىتىنىڭ نايب يمامى ەرمەك كوكىرەكبايەۆ حابارلادى.

مەملەكەتتىك كوميسسيا وتىرىسىندا كارانتين شارالارىن كەزەڭىمەن الۋ قارالدى. سونىڭ ىشىندە، ءدىني ۇيىمداردىڭ ءالى دە تىيىم سالىنعان نىساندار تىزىمىندە ەكەنى انىقتالدى. مەشىتتەر ەلدە تج جاعدايى الىنىپ تاستالعاننان كەيىنگى از ۋاقىتتان كەيىن وسى كەزگە دەيىن كەلۋشىلەر ءۇشىن جابىق.

وسىعان بايلانىستى قازاقستاننىڭ باس ءمۇفتيى ينفەكسيالىق اۋرۋلارعا قارسى مەملەكەت قابىلداعان شارالاردىڭ ءبارى ادامزاتتى قۇتقارۋعا باعىتتالعانىن مۇسىلمانداردىڭ ەستەرىنە سالعان بولاتىن. ول ۋاقىتشا شەكتەۋگە تۇسىنىستىكپەن جانە توزىمدىلىكپەن قاراۋعا شاقىردى.

«مەشىتتەردى كەزەڭىمەن، سايكەسىنشە ءاربىر كەلۋشى ءۇشىن ءتورت شارشى مەتردەن كەم بولمايتىنداي ەتىپ ءبولۋ، كەلۋشىلەر سانىن 30%-دان اسىرماۋ تالابىن ساقتاۋ جانە كەلۋشىلەرگە بارلىق قاجەتتى ەپيدەميالىق شارالاردى وتكىزگەننەن كەيىن بارىپ اشۋ ۇسىنىلىپ وتىر»، — دەدى ەرمەك كوكىرەكبايەۆ.

مامىر ايىنىڭ باسىندا ەلدەگى ەپيدەميولوگيلىق جاعداي جاقسارا باستاعانىن ەسكە سالامىز. قمدب مەشىتتەردى قايتا اشا باستادى. الايدا ول ۇزاققا بارمادى. ەپيادەميانىڭ كۇشەيۋىنە بايلانىستى مەشىتتەرگە ەسىكتەرىن جابۋعا تۋرا كەلدى. سەبەبى ينفەكسيا جۇقتىرعاندار مەن قايتىس بولعاندار سانى بىردەن كوبەيىپ كەتتى. مەشىتتەردىڭ ادامدار كوپ جينالاتىن ورىن بولعانىنا بايلانىستى، قمدب مەشىتتەر قىزمەتىنە ۋاقىتشا شەكتەۋ ەنگىزۋگە ءماجبۇر بولدى. بۇل شەشىم تەك ءبىزدىڭ ەلىمىزدە عانا ەمەس، باسقا دا مۇسىلمان ەلدەرىندە قابىلداندى.

سوعان قاراماستان، مەشىتتەردى بىرتىندەپ اشۋ ۇسىنىسى تالقىلاۋ كەزەڭىندە.