الماتى اكىمى ب. ساعىنتايەۆ بالالارعا مەكتەپكە دەيىنگى ءبىلىم بەرۋدى قامتاماسىز ەتۋدىڭ شارالارى تۋرالى ايتتى.

«الماتىنىڭ ءبىلىم بولاشاعى: جاڭا جاعدايداعى پەرسپەكتيۆالىق شەشىمدەر» فورۋمىندا سويلەگەن سوزىندە ب. ساعىنتايەۆ مەكتەپ جاسىنا دەيىنگى ورىن تاپشىلىعىن شەشۋ ماقساتىندا 2020 جىلدىڭ باسىنان بەرى قاراي 670 ورىندى ءتورت مەملەكەتتىك بوبەكجايلاردىڭ پايدالانۋعا بەرىلگەنىن ايتتى. اعىمداعى جىلدىڭ سوڭىنا دەيىن ءبىر مەملەكەتتىك بالا باقشانىڭ قۇرىلىسى اياقتالادى جانە 520 ورىندى تاعى ءۇش جاڭا بالا باقشانىڭ قۇرىلىسى باستالادى.

361 جەكە بالا باقشالارعا 17،5 ورىندى مەملەكەتتىك ءبىلىم تاپسىرىس بەرىلگەن. دەگەنمەن، ورىن تاپشىلىعى ازايماي تۇر. ويتكەنى، اتا-انالار بالالارىن جەكە بالا باقشالارداعىداي قوسىمشا تولەمدى قاجەت ەتپەيتىن مەملەكەتتىك بالا باقشالارعا بەرگىلەرى كەلەدى.

«بالالاردى مەكتەپ جاسىنا دەيىنگى تاربيەمەن قامتۋدى ۇلعايتۋ ءۇشىن ءبىز ۇكىمەتكە جەكە بالا باقشالارداعى قوسىمشا قىزمەتتەرگە اتا-انالاردىڭ اقى تولەۋىن جارتىلاي جويۋ جونىندە ۇسىنىس جاساعان ەدىك. ءبىزدىڭ بۇل ۇسىنىسىمىز قولداۋ تاپتى، وسى ماقسات ءۇشىن جەرگىلىكتى بيۋدجەتتەن شامامەن 3 ملرد تەڭگەگە جۋىق قارجى بولىنەتىن بولادى»، — دەپ حابارلادى ب. ساعىنتايەۆ جانە ونىڭ بالالارى جەكە بالا باقشالار باراتىن وتباسىلاردىڭ شىعىندارىن ازايتۋعا ىقپال ەتەتىن اتاپ ءوتتى.

وسى وڭ شارانىڭ قولعا الىنۋى ارقاسىندا جەكە بالا باقشالاردا قوسىمشا 5 مىڭعا جۋىن ورىن اشىلادى دەپ كۇتىلۋدە. قالادا 893 مەكتەپ جاسىنا دەيىنگى مەكەمەلەر جۇمىس جاسايدى، ولاردىڭ تەك 189 (21،2%) مەملەكەتتىك، 704 (78،8% جەكە بالا باقشالار. 3 جاستان 6 جاسقا دەيىنگى 18 مىڭنان استام بالا كەزەكتە تۇر.

2021 جىلى جوبالىق قۋاتتىلىعى 2 590 ورىن بولاتىن 13 بالا باقشا ىسكە قوسۋ جوسپارلانعان. عيماراتتاردى قايتارۋ جانە ولاردى مودەرنيزاسيالاۋ جولىمەن قوسىمشا 2200 ورىن اشىلاتىن بولادى. وسىلايشا، 2020-2021 جىلدارى قوسىمشا بارلىعى 12790 ورىن قۇرىلادى، ال بۇل بالا باقشا كەزەگىن 70%-عا تومەندەتەدى.