الماتىنىڭ ءبىلىم سالاسى قىزمەتكەرلەرىنىڭ «الماتىنىڭ ءبىلىم بولاشاعى: جاڭا جاعدايداعى پەرسپەكتيۆالىق شەشىمدەر» فورۋمىندا سويلەگەن سوزىندە ب. ساعىنتايەۆ قالا مۇعالىمدەرىنە قولداۋ كورسەتۋ شارالارى تۋرالى ايتتى.

قالا اكىمدىگى پەداگوگتارعا قولداۋ كورسەتۋ جۇمىستارىن جالعاستىرۋدا. وتكەن جىلى الماتى اكىمىنىڭ تاپسىرماسى بويىنشا مۇعالىمدەر اراسىندا «ۇزدىك ۇستاز» جاڭا بايقاۋى جۇزەگە استى. سونىمەن قاتار 10 ۇزدىك پەداگوگقا گرانتتىق قولداۋ كورسەتۋ باعدارلاماسى قولعا الىندى. بۇل شارالاردىڭ قورىتىندىسى ءمۇعالىم كۇنى قارساڭىندا شىعاتىن بولادى.

«بۇلاردان وزگە، جاس مامانداردى، ونىڭ ىشىندە مۇعالىمدەردى تۇرعىن ۇيمەن قامتاماسىسز ەتۋ ماقساتىندا جەڭىلدەتىلگەن نەسيە بەرۋدىڭ "الماتى جاستارى 3.0" قالالىق باعدارلاماسى قابىلداندى. وسى باعدارلاما بويىنشا ءقازىردىڭ وزىندە 119 جاس ءمۇعالىم نەسيە الاتىن بولدى»، — دەپ حابارلادى ب. ساعىنتايەۆ.

الماتى مەكتەپتەرىندە قىزمەتتەرىن باستاعان جاس مۇعالىمدەرگە بىررەتتىك تولەم بەرۋ ءىسى ودان ءارى جالعاسۋدا.

فورۋم اياسىندا ءبىرقاتار مۇعالىمدەر مەملەكەتتىك ناگرادالارمەن، قۇرمەت گراموتالارىمەن، ونىڭ ىشىندە «ى. التىنسارين»، «ءبىلىم بەرۋ ءىسىنىڭ قۇرمەتتى قىزمەتكەرى»، «ەڭبەگى ءۇشىن» توسبەلگىلەرىمەن ماراپاتتالدى. الماتىداعى №178 ليسەي ورتا ارنايى ءبىلىم بەرۋدىڭ ۇزدىك مەكەمەسى اتاندى.

فورۋمدا جاڭا جاعدايدا وقۋ پروسەسستەرىن ۇيىمداستىرۋ ماسەلەسى تالقىلانۋدا. ونىڭ ىشىندە كەزەكشى توپتاردا سانيتارلىق قاۋىپسىزدىكتى قامتاماسىز ەتۋ، قاشىقتان وقۋدى ۇيىمداستىرۋ، پەداگوگتاردى جانە مۇقتاج وقۋشىلاردى كومپيۋتەرلىك تەحنيكامەن، ينتەرنەتپەن قامتاماسىز ەتۋ. سونىمەن قاتار، بالا باقشالار مەن مەكتەپتەردە ورىنمەن قامتاماسىز ەتۋدىڭ وزەكتى ماسەلەسى تالقىلانۋدا.