اتا زاڭىمىزدىڭ 25 جىلدىق مەرەيتويىنا وراي، الماتىنىڭ المالى اۋدانىندا 25 ءتۇپ الما اعاشى وتىرعىزىلدى.

جاس وتاندىقتار ەرىكتىلەرمەن بىرلەسىپ اكسيا وتكىزدى، شارا بارىسىندا المالى اۋدانىنىڭ جاستار سكەيتپاركى اۋماعىندا 25 الما كوشەتىن وتىرعىزدى.

«وسى اكسيا ارقىلى ءبىز جاستاردى قوعامدىق ءتارتىپتى ساقتاۋعا، پاتريوتتىق سەزىمدەرىن قالىپتاستىرۋعا، تۋعان جەر مەن تابيعاتقا جاناشىرلىقپەن قاراۋعا شاقىرامىز. وسىنداي ءىس-شارالار ءاربىر ادامدى ءوز ورتاسىن تازا ۇستاۋعا جانە تۋعان جەرگە سۇيىسپەنشىلىكپەن قاراۋعا ۇيرەتسە دەيمىز»، - دەيدى «Jas Otan» جاستار قاناتى الماتى قالالىق فيليالىنىڭ ءتوراعاسى ءمادي احمەتوۆ

ءوز كەزەگىندە قالا تۇرعىندارى دا جاس وتاندىقتارعا العىستارىن ءبىلدىردى.

«مۇنداي اكسيانىڭ وتكىزىلگەنى وتە جاقسى. ۋاقىت وتە كەلە اعاشتار جەمىس بەرىپ، ادەمى بولا تۇسەدى. مۇنداي اكسيالاردى ءجيى وتكىزۋ قاجەت، بۇل قالانىڭ ەستەتيكالىق ساپاسىن جاقسارتادى، سونداي-اق الماتىلىقتاردى جاياۋ سەرۋەندەۋگە شاقىراتىن ءبىر سەبەپ»، - دەپ اتاپ ءوتتى قالا تۇرعىنى جاندوس تاليپوۆ.