كونستيتۋسيا ءسوزىنىڭ لاتىن تىلىنەن تۋرا اۋدارماسى «قۇرىلىم، قۇرىلىس» دەگەندى بىلدىرەدى. ياعني بەلگىلى ءبىر دەنەنى، زاتتى، وبەكتىنى تانىعىمىز كەلسە، ەڭ الدىمەن، ونىڭ قۇرىلىسىنا (كونستيتۋسياسىنا) زەر سالعانىمىز ماڭىزدى. بۇل تۋرالى زاڭ عىلىمدارىنىڭ كانديداتى مەرۋەرت مۇراتحانوۆا تىلدەسۋ بارىسىندا ايتتى.

اتا زاڭىمىزدىڭ 4-بابىنا سايكەس، كونستيتۋسيا – ەڭ جوعارى زاڭدى كۇشى بار نورماتيۆتىك-قۇقىقتىق اكت. اتاپ ايتقاندا، ازات ەلىمىزدىڭ ەلدىگىن دە، جۇرتىمىزدىڭ تەڭدىگىن دە، شەكارامىزدىڭ كەڭدىگىن دە زاڭي تۇرعىدان بەكىتەتىن رەسمي قۇجات، بۇل – كونستيتۋسيا.

"قازاق جۇرتشىلىعىنا اسا قاسيەتتى زاڭنىڭ 1995 جىلدىڭ 30 تامىزىندا رەسپۋبليكالىق رەفەرەندۋم ناتيجەسىندە قابىلدانعانى ءمالىم. بۇل كۇننىڭ رەسپۋبليكالىق دەڭگەيدە اتاپ وتىلۋىنەن، كونستيتۋسيانىڭ مەملەكەت ومىرىندەگى ءرولىنىڭ قانشالىقتى ماڭىزدى ەكەنىن ۇعىنۋعا بولادى. كونستيتۋسيا ءسوزىنىڭ لاتىن تىلىنەن تۋرا اۋدارماسى «قۇرىلىم، قۇرىلىس» دەگەندى بىلدىرەدى. ياعني بەلگىلى ءبىر دەنەنى، زاتتى، وبەكتىنى تانىعىمىز كەلسە، ەڭ الدىمەن، ونىڭ قۇرىلىسىنا (كونستيتۋسياسىنا) زەر سالعانىمىز ماڭىزدى. 30 تامىز كۇنگى ايتۋلى مەرەكەنىڭ باستى سەبەپكەرى –  كونستيتۋسيامىزدىڭ ماڭىزدىلىعى دا سونشالىق. بۇكىل الەم ەلدەرىنە قازاقستان رەسپۋبليكاسى دەگەن ەگەمەندى ەلدىڭ بار ەكەنىن، ونىڭ قۇرىلىمى مەن قۇرىلىسىن، ساياسي، ەكونوميكالىق ءومىرىن ايقىنداۋشى باستى قۇجات – 9 ءبولىم، 98 باپتان قۇرالعان قازاقستان رەسپۋبليكاسىنىڭ كونستيتۋسياسى"، - دەيدى م.مۇراتحانوۆا.

سونىمەن قاتار، ول قازاقستان حالقىن  بيىل 25 جىل تولىپ وتىرعان كونستيتۋسيا كۇنىمەن قۇتتىقتادى.

"ءبىز، ورتاق تاريحي تاعدىر بىرىكتىرگەن قازاقستان حالقى، بىرىگە وتىرىپ قابىلداعان كونستيتۋسيامىزدىڭ 25-جىلدىعى بارشا قازاقستاندىقتارعا قۇتتى بولسىن! قازاقستانداي تاۋەلسىز مەملەكەتتىڭ مىزعىماس تۇعىرىنا اينالعان كونستيتۋسيانىڭ ازاماتتاردىڭ عۇمىرىنا ادال قىزمەت ەتۋى ۇزدىكسىز جالعاسىن تاۋىپ، مارتەبەمىز بيىك، مەرەيىمىز ۇستەم بولسىن!"، - دەدى ول.