شىعىس قازاقستان وبلىسىنىڭ KAZ Minerals فابريكاسىنىڭ قۇرىلىس الاڭىندا قىزمەتكەر قايتىس بولدى. بۇل تۋرالى كومپانيانىڭ باسپا ءسوز قىزمەتى حابارلادى.
"7 قىركۇيەك كۇنى ساعات 22:00 شاماسىندا مونتاج جۇمىستارى كەزىندە مەردىگەرلىك ۇيىم – IGG كومپانياسىنىڭ قىزمەتكەرى بيىكتىكتەن قۇلادى. العان جاراقاتتىڭ سالدارىنان زارداپ شەككەن ازامات قايتىس بولدى" دەلىنگەن حابارلامادا.
وقيعا ورنىنداعى جۇمىستار توقتاتىلعان. قازىرگى ۋاقىتتا قايعىلى وقيعانىڭ ءمان-جايى انىقتالىپ جاتىر.
KAZ Minerals توبىنىڭ باسشىلىعى مەن ۇجىمى مارقۇمنىڭ تۋعان-تۋىستارى مەن جاقىندارىنا كوڭىل ايتىپ، قايعىلارىنا ورتاقتاسادى.
پىكىر قالدىرۋ