ءبىلىم جانە عىلىم ۆيسە-مينيسترى شولپان كارينوۆا قاشىقتان وقىتۋ كەزىندە ءبىرقاتار پروبلەمالار تۋرالى ورتالىق كوممۋنيكاسيالار قىزمەتىندەگى بريفينگتە حابارلادى.
– وقۋ جىلى باستالماس بۇرىن ۇلكەن دايىندىق جۇمىستارى اتقارىلدى. بۇگىنگى كۇنى بارلىق مەكتەپ وقۋشىلارى وقۋ پروسەسىنە كىرىستى. 77 پايىزعا جۋىق وقۋشىلار بۇگىنگى كۇنى قاشىقتان وقىتىلىپ جاتىر. شتاتتىق رەجيمدە وقىتىلىپ جاتقان مەكتەپتەردىڭ سانى 3 000-عا جۋىق. ول جالپى قازاقستاندىق 7 000 مەكتەپتىڭ 43 پايىزىن قۇرايدى. سونىمەن بىرگە بارلىق مەكتەپتەردە 1-4-سىنىپتارى جانە مەكتەپ الدى سىنىپتارىندا كەزەكشى سىنىپتار جۇمىستارىن باستادى. ولاردا 547 مىڭنان اسا وقۋشىلار وقىتىلىپ جاتىر. ءبىر ايتا كەتەتىن ماسەلە وسى جەردەگى 60 پايىزعا جۋىق وقۋشىلار – 1-سىنىپ وقۋشىلارى. سوندىقتان بۇگىنگى كۇنى تاراتىلىپ جاتقان كەيبىر اقپاراتتار وقۋ جىلى باستالۋىنا بايلانىستى ۇيىمداسپاعان تۇردە باستالعاندىعى جونىندەگى اقپاراتتار شىندىققا ۇلاسپايدى.
بۇگىنگى كۇنى 500 مىڭنان استام مۇعالىمدەر بارلىق ءبىلىم مەكەمەلەرىندە جۇمىس اتقارىپ جاتىر. بارلىق مۇعالىمدەردىڭ جاساپ جاتقان ەڭبەكتەرىن جوققا شىعارۋعا ەشبىر بولمايدى. مينيسترلىك بۇعان دەيىنگى ۋاقىتتا دا مۇعالىمدەرگە العىسىن ايتىپ كەلدى. قازىرگى قيىن جاعدايدا وقۋ پروسەسىن شتاتتى باستاپ جاتقان ءارتۇرلى فورماتتا جۇمىس ىستەپ جاتقان مۇعالىمدەرگە تاعى ءبىر مينيسترلىكتىڭ تاراپىنان ۇلكەن راقمەتىمىزدى ايتامىز.
جالپى بۇگىنگى كۇنى اقپاراتقا توقتايتىن بولساق، وقۋ جىلىنىڭ توعىز كۇنى ءوتىپ جاتىر. سونىڭ ىشىندە ءبىر كۇننىڭ ىشىندە 2 ملن-نان اسا ساباقتاردىڭ بەرىلگەندىگىن كورىپ وتىرمىز. ارينە، قاشىقتان وقىتۋدى ۇيىمداستىرۋ بويىنشا دا، شتاتتىق ۇيىمدا جۇمىستى ورنالاستىرۋ بويىنشا دا ءبىرقاتار جۇمىستار جاسالدى. سانيتارلىق تالاپتاردى ساقتاۋعا بايلانىستى جانە قاشىقتان ۇيىمداستىرۋعا بايلانىستى بارلىق وقۋشىلاردى قاجەتىن تالاپ ەتەتىن وقۋشىلاردى كومپيۋتەرلەرمەن قامتاماسىز ەتۋ جۇمىستارى جۇرگىزىلدى دەپ اقپاراتتاندىرعان بولاتىنبىز. بۇگىنگى كۇنى 435 مىڭ وقۋشىعا كومپيۋتەرلەر تاراتىلىپ بەرىلدى. بۇل – قاشىقتان وقىتۋدى ۇيىمداستىرۋ ءۇشىن جاسالعان ءىس-شارالار، – دەدى ول.
ۆيسە-مينيستر Zoom پلاتفورماسى ارقىلى بولعان پروبلەمالار تۋرالى اتاپ ءوتتى.
– ارينە، قاشىقتان وقىتۋ كەزىندە پروبلەمالاردىڭ بار ەكەندىگىن بىلەمىز. ءبىلىم جانە عىلىم مينيسترلىگى بۇل بويىنشا كۇندەلىكتى ءبىلىم مەكەمەلەرىمەن، ءبىلىم باسقارمالارىمەن جۇمىس ىستەپ وتىرمىز. ونىڭ ىشىندە الەۋمەتتىك جەلىلەردە مۇعالىمدەردىڭ، اتا-انالاردىڭ كوتەرىپ وتىرعان ماسەلەلەرىن، دەپۋتاتتاردىڭ ماسەلەلەرىن ءبىز دە بايقاپ كورىپ وتىرمىز. ولاردىڭ ءارقايسىسىنا دا جەكە تۇردە جاۋاپ بەرىپ، جەكە تۇردە قاراستىرىلىپ، بارلىق ماسەلەلەردى شەشۋ سۇراقتارىمەن اينالىسىپ جاتىرمىز. جىلدا وقۋ جىلىنىڭ باستالۋى وقۋ پروسەسىن باستاۋدا ۇيىمداستىرۋشىلىق كەزەڭدەردەن باستالادى. ول تاريفيكاسيا جاساۋ، وقۋ جىلىنىڭ باستالۋى، وقۋ جوسپارىن قۇرۋ، ساباق كەستەسىن قۇرۋ سياقتى ماسەلەلەر – بيىل وقۋ جىلىنا ءتان پروسەستەر. بۇگىنگى كۇنى وسى جۇمىستاردىڭ بارلىعى اياقتالىپ كەلە جاتىر.
وسى اقپاراتتىق جەلىلەردە تاراعان كەيبىر اقپاراتتا كەي ساباقتىڭ ءساتتى وتپەگەنى تۋرالى دا حاباردى ءبىز ەستىدىك. وسى بويىنشا دا بىرنەشە تالداۋ جۇمىستارى جۇرگىزىلدى. 2 ملن وتكىزىلگەن ساباقتىڭ ىشىندە ءبىر ەكى ساباقتىڭ ءساتسىز وتكىزىلگەنى، Zoom جەلىسىندە وتكىزىلگەن ساباققا بوگدە ادامداردىڭ ارالاسىپ، وسى ساباقتا كەلەڭسىز وقيعالارعا جەتكىزگەنىن ءبىز دە كوردىك. بۇل بويىنشا بارلىق مۇعالىمدەرگە، مەكتەپتەرگە تۇسىندىرمە جۇمىستارى جۇرىگىزىلىپ جاتىر. بارلىق 347 مىڭنان اسا مۇعالىمدەرگە دايىندىق كۋرستارى وتكىزىلدى. ەڭ باستىسى، قاشىقتان فورماتىن ەسكەر وتىرىپ، ولاردى IT كومپەتەنسيالارعا ۇيرەتۋ بولاتىن. ءبىراق بۇگىنگى كۇنى وسىنداي كەلەڭسىز جاعدايلار بولدى. تاعى دا تۇسىندىرمە جۇمىستارىن جۇرگىزىپ، كەلەڭسىز جاعدايلاردىڭ بولماۋىن قارايتىن بولامىز.
سونىمەن قاتار اتا-انالار دا وسى بويىنشا بالالارىمەن تۇسىندىرمە جۇمىستارىن جۇرگىزۋدى تاعى دا سۇراپ وتىرمىز. ويتكەنى Zoom كونفەرەنسياسى دا، باسقا دا بايلانىستىڭ تۇرلەرىن ينتەرنەت پلاتفورمالارىنىڭ ءارقايسىسى دا بۇگىنگى كۇنى اقپارتتىق جۇيەدە ءقاۋىپتى بولۋى مۇمكىن. وسى جاعدايدا ءار ءبىلىم پروسەسىنە قاتىسۋشىنىڭ ءوزىنىڭ جاۋاپكەرشىلىگى بولۋى كەرەك. مىسالى Zoom پلاتفورماسىنا كىرگىزىلىپ جۇمىس ىستەپ جاتقان كەزدە وقۋشىنىڭ ءبىرىنشى سۇرانىپ كىرۋىن، ءوزىنىڭ فاميلياسىن دۇرىس اتاپ، كىرگەننەن كەيىن قاجەتتى "ەسىگىن" جاۋىپ، اقپاراتتى سىرتقا شىعارماۋ نە بولماسا بوگدە ارالاسپاۋ ءۇشىن وسىنداي قاۋىپسىزدىك شارالاردى جاساۋ ءۇشىن ءالى دە مۇعالىمدەردى شاقىرامىز، دەدى ۆيسە-مينيستر.
سونداي-اق ۆيسە-مينيستر باس سانيتار دارىگەردىڭ شەشىمىمەن عانا مەكتەپتەر اشىلاتىنىن ايتتى.
– قاشىقتان وقىتۋدىڭ ءوزى بۇگىنگى كۇنى سانيتارلىق-ەپيدومولوگيالىق جاعدايعا بايلانىستى ەكەنىن تاعى ءبىر اتاپ وتكىم كەلەدى. بۇل ارنەدە سانيتارلىق-ەپيدومولوگيالىق جاعداي ەسكەرىلىپ، جاقسارعاننان سايىن باس سانيتارلىق دارىگەردىڭ شەشىمى بويىنشا مەكتەپتەردى شتاتتىق رەجيگە جۇمىس ىستەۋگە قايتارۋ بويىنشا جۇمىستار جۇرگىزىلەتىن بولادى. بۇل بويىنشا مينيسترلىكتىڭ بىرنەشە ۇسىنىمى بار. بۇل ۇستانىمدارىمىزدى مينيسترلىككە ۇسىندى. وسىنى شەشۋ بويىنشا جۇمىستارىمىزدى جالعاستىرىپ جاتىرمىز، – دەدى ول.
پىكىر قالدىرۋ