"رەسەيلىك حاكەرلەر امەريكالىق ساياسي پارتيالار مەن كەڭەسشىلەردىڭ جانە 200-دەن استام ۇيىمنىڭ كومپيۋتەرلىك جۇيەلەرىنە شابۋىل جاساۋعا تىرىستى" دەپ حابارلادى Microsoft. كومپانيانىڭ اقپاراتىنا سايكەس، 2016 جىلى دا وسىنداي حاكەرلىك شابۋىلدار بولعان.
"ءبىزدىڭ كورگەنىمىز بويىنشا، حاكەرلىك شابۋىلدار تەك قانا ۇمىتكەرلەر مەن ۇگىت-ناسيحات قىزمەتكەرلەرىنە عانا ەمەس، نەگىزگى ماسەلەلەر بويىنشا كەڭەس بەرەتىندەرگە دە باعىتتالعان. بۇل بۇرىنعى حاكەرلىك ارەكەتتەرگە وتە ۇقسايدى" دەدى ءوز بلوگىندا Microsoft كورپوراسياسىنىڭ ۆيسە-پرەزيدەنتى توم بەرت.
ول رەسەي، جۇڭگو جانە يران اگەنتتەرىنىڭ حاكەرلىك شابۋىلدارى Microsoft قاۋىپسىزدىك باعدارلامالىق جاساقتاماسى ارقىلى توقتاتىلعانىن مالىمدەدى.
پىكىر قالدىرۋ