ءماجىلىس دەپۋتاتى بەكبولات تىلەۋحان ءوزىن شەتەلگە قارۋ ساتۋشىلاردىڭ ارتىن جاۋىپ وتىردى دەلىنگەن الەۋمەتتىك جەلىدە تاراعان ۆيدەوعا قاتىستى پىكىر ءبىلدىردى.
– الەۋمەتتىك جەلىلەردە مەنىڭ اتىما جالا جابىلعان ۆيدەو تاراپ جاتىر. بەينەجازبادا مەنىڭ جانە باسقا دا بىرنەشە ازاماتتىڭ اتى ايتىلىپ، ۇيىمداسقان قىلمىسقا قاتىستى ەتىپ كورسەتەدى. وسىعان وراي، ابىروي-بەدەلىمە نۇقسان كەلتىرەتىن جالعان اقپارات بەرۋشى – ۆيدەوداعى تۇلعالاردى انىقتاپ، تەكسەرىپ، ولاردىڭ جاساعان ارەكەتتەرى ءۇشىن زاڭ الدىندا قاتاڭ تۇردە جازالانۋىن سۇراپ، ق ر ۇلتتىق قاۋىپسىزدىك كوميتەتىنە، ق ر ىشكى ىستەر مينيسترلىگىنە شاعىم ءتۇسىردىم. سونداي-اق، وسى جالعان اقپاراتتى تاراتۋشىلاردى انىقتاپ، قاتاڭ شارا قولدانۋدى سۇرادىم، – دەيدى ول.
بۇعان دەيىن facebook جەلىدە جۋرناليست توقتار جاقاش شەتەلگە زاڭسىز قارۋ ساتىپ، ۇستالدى دەلىنگەن ادامنىڭ ۆيدەوسىن جاريالاعان.
پىكىر قالدىرۋ