ەۋرازيالىق ەكونوميكالىق كوميسسيانىڭ القا مۇشەسى بولىپ كەلگەن سەرىك جۇمانعارين پرەزيدەنت جارلىعىمەن باسەكەلەستىكتى قورعاۋ جانە دامىتۋ اگەنتتىگىنىڭ ءتوراعاسى قىزمەتىنە تاعايىندالدى. بۇل تۋرالى اقوردا سايتى حابارلادى.
سەرىك جۇمانعارين بۇعان دەيىن ۇلتتىق ەكونوميكا ۆيسە-مينيسترى، مونوپولياعا قارسى ۆەدومستۆونىڭ ءتوراعاسى، وڭىرلىك دامۋ ۆيسە-مينيسترى قىزمەتتەرىن اتقارعان.
مونوپولياعا قارسى كوميتەتتىڭ وڭىرلىك بولىمشەلەرىن باسقارىپ، 2019 جىلى ەۋرازيالىق ەكونوميكالىق كوميسسيانىڭ القا مۇشەسى بولىپ تاعايىندالعان.
سەرىك جۇمانعارين ۇلتتىق ەكونوميكا ۆيسە-مينيسترى بولىپ تۇرعاندا ءجۋرناليستىڭ تاريف تۋرالى ساۋالىنا "جىنىمدى كەلتىرمەڭىزشى" دەپ جاۋاپ بەرىپ، ارتىنان بەيادەپ ءسوزى ءۇشىن كەشىرىم سۇراعان بولاتىن.
پىكىر قالدىرۋ