بەلگىلى سپورتشى قۋات حاميتوۆ ءوزىنىڭ قالادا دەزينفەكسيا جاساپ جۇرگەندەردى حالىقتى ۋلاۋشىلار دەپ اتاپ ولاردى ۇرىپ-سوعۋعا، ۇشىپ بارا جاتقان تىكۇشاقتى اتىپ تۇسىرۋگە شاقىرعان ۆيدەوسىنىڭ قالجىڭ ەكەنىن، ولاي جاساۋدىڭ كەرەگى جوق ەكەنىن ايتتى. حاميتوۆتىڭ جاۋابى kaskelen.kz instagram پاراقشاسىندا جاريالاندى.
"اسسالاۋماعالەيكۋم قازاقستاندىقتار! بۇگىنگى دەزينفەكسيا تۋرالى تاراپ كەتكەن ۆيدەوعا قاتىستى ايتايىن. ول ۆيدەو قالجىڭ رەتىندە تۇسىرىلگەن. مەن ەشكىمدى جاپپاي كوتەرىلىسكە شاقىرمايمىن. ونداي ارەكەت ىستەمەڭىزدەر. ەلىمىز امان، جۇرتىمىز تىنىش بولسىن!" دەلىنگەن ۆيدەودا.
كەشە سپورتشى قۋات حاميتوۆتىڭ دەزينفەكسيا جاساپ جۇرگەندەردى ۇرىپ-سوعۋعا شاقىرعان ۆيدەوسى الەۋمەتتىك جەلىدە تاراپ كەتكەن بولاتىن. كەشكى ۋاقىتتا سپورتشىنىڭ اتالعان ۆيدەوعا قاتىستى پوليسيا دەپارتامەنتىنە جەتكىزىلگەنى حابارلاندى.
"بۇل – قىلمىس". قۋات حاميتوۆقا قاتىستى ىشكى ىستەر مينيسترلىگى پىكىر ءبىلدىردى
پىكىر قالدىرۋ