"شەتەلگە اسكەري تەحنيكا ساتتىق، وعان بەكبولات تىلەۋحاننىڭ دا قاتىسى بار" دەگەن ادام جاڭا مالىمدەمە جاساپ، بەكبولات تىلەۋحاننىڭ ەسىمىن الدەكىمدەردىڭ قىسىمىمەن اتاعانىن جاريا ەتتى.
جۋىردا جۋرناليست توقتار جاقاش Facebook پاراقشاسىندا شەتەلگە زاڭسىز قارۋ ساتىپ ۇستالدى دەلىنگەن ادامنىڭ ۆيدەوسىن جاريالاعان. بەينەجازباداعى ازامات شەتەلگە قارۋ ساتۋمەن اينالىساتىنىن، ءوزىنىڭ بىرنەشە سىبايلاسى بار ەكەنىن ايتتى. سولاردىڭ اراسىنا ءماجىلىس دەپۋتاتى بەكبولات تىلەۋحاندى دا قوسقان.
ءماجىلىس دەپۋتاتى بۇل ۆيدەونىڭ شىندىققا جاناسپايتىنىن، ول جەردەگى اڭگىمە اقىلعا سىيمايتىنىن ايتىپ، قۇزىرلى ورگانداردان ۆيدەوداعى ادامدى تاۋىپ، ءتيىستى شارا قولدانۋدى سۇرادى.
ەندى مىنە، كوپ وتپەي "شەتەلگە قارۋ ساتتىق" دەگەن ازاماتتىڭ بارلىعىن جوققا شىعارعان بەينەجازباسى جاريالاندى. جازبانى "جەلتوقسان رۋحى" قوعامدىق بىرلەستىگىنىڭ ءتوراعاسى تالعات رىسقۇلبەكوۆ facebook پاراقشاسىنا جاريالادى.
ءوزىن بەگىم ىسقاقوۆ دەپ تانىستىرعان ازامات تاياۋدا شىققان ۆيدەودا ايتىلعانداردىڭ ءبارى وتىرىك ەكەنىن جەتكىزدى.
پىكىر قالدىرۋ