الماتى اكىمى باقىتجان ساعىنتايەۆتىڭ وكىمىمەن قازاقستان رەسپۋبليكاسى پرەزيدەنتى اكىمشىلىگىنىڭ كەلىسىمى بويىنشا الماتى قالاسى اكىمىنىڭ ورىنباسارى بولىپ ماقسات قيقىموۆ تاعايىندالدى. بۇل تۋرالى الماتى قالالىق اكىمدىگىنىڭ رەسمي پاراقشاسىندا جاريالاندى. 

وسىعان دەيىن قالا اكىمىنىڭ ورىنباسارى قىزمەتىندە بولعان ساپاربەك تۇياقبايەۆ ءوزىنىڭ الەۋمەتتىك جەلىدەگى پاراقشاسىندا بىرگە قىزمەت ەتكەن بارلىق ارىپتەسىنە العىس ءبىلدىردى.

ماقسات كيكيموۆ 1986 جىلى دۇنيەگە كەلگەن. بانك ءىسى اكادەمياسى كوللەدجىنىڭ، الماتى ەكونوميكا جانە ستاتيستيكا اكادەمياسىنىڭ، "تۇران" ۋنيۆەرسيتەتىنىڭ تۇلەگى. قارجى، مۇناي سالالارىندا جانە مەملەكەتتىك قىزمەتتە 15 جىلدان اسا جالپى ەڭبەك ءوتىلى بار.

ەڭبەك جولىن 2005 جىلى "اليانس بانك" اق الماتى قالاسىنداعى فيليالىنىڭ بۋحگالتەرلىك ەسەپ جانە ەسەپتىلىك ءبولىمىنىڭ مامانى بولىپ باستاعان. 2006-2012 جىلدارى "اليانس بانك" اق الماتى قالاسىنداعى فيليالىندا باس مامان، باس بۋحگالتەردىڭ ورىنباسارى، باس بۋحگالتەر، بەك-وفيستىڭ باسقارۋشىسى، "استانا-فينانس" بانكى اق الماتى فيليالىنىڭ باس بۋحگالتەرى، "ترانسەرۆيس-ميللەنيۋم" ج ش س قارجى ديرەكتورى، ءادىسناما باسقارماسىنىڭ باستىعى، ءادىسناما جانە اۆتوماتتاندىرۋ جانە بيزنەس-پروسەستەر باسقارماسىنىڭ باستىعى، "كرەديت التىن بانك" اق باس ەسەپشى باسقارما مۇشەسى، "Bank RBK"اق بانكتىك تەحنولوگيالار دەپارتامەنتى ديرەكتورىنىڭ ورىنباسارى،  الماتى قالاسى قارجى باسقارماسى باسشىسىنىڭ ورىنباسارى، الماتى قالاسى ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى بولىپ جۇمىس ىستەدى.

2017 جىلدىڭ قىركۇيەگىنەن 2018 جىلدىڭ شىلدەسىنە دەيىن الماتى قالاسى كاسىپكەرلىك جانە يندۋستريالدى-يننوۆاسيالىق دامۋ باسقارماسىنىڭ باسشىسى، 2018 جىلدىڭ شىلدەسىنەن 2019 جىلدىڭ شىلدەسىنە دەيىن الماتى قالاسى تۋريزم باسقارماسىنىڭ باسشىسى، 2019 جىلدىڭ شىلدە ايىنان باستاپ الماتى قالاسى جەتىسۋ اۋدانىنىڭ اكىمى قىزمەتتەرىن اتقاردى.