بەيجىڭ تايۆانمەن اراداعى ورتا سىزىقتى كەسىپ ءوتىپ 20-عا جۋىق جويعىش ۇشاق جىبەردى. قىتايلىق ۇشقىشتار مەن تايۆان اسكەري ۇشاقتارى ءبىر بىرىنە سەس كورسەتكەن.
تايۆاندا شىعاتىن China Times گازەتىنىڭ حابارلاۋىنشا، تايۆان شەنەۋنىكتەرى ۇشاقتاردان "دەرەۋ كەتۋدى" تالاپ ەتكەن. الايدا قىتايلىق ۇشقىشتار "بۇعازدىڭ ورتا سىزىعى جوق" دەپ جاۋاپ قايتارعان.
امەريكانىڭ بۇرىنعى قورعانىس جونىندەگى كەڭەسشى مالكولم ديەۆيس تايۆان بۇعازىنىڭ ورتاسىنان وتەتىن شەكارا-مەديانالىق سىزىقتى قىتايلىق تاراپتىڭ جوققا شىعارۋعا بايلانىستى مۇمكىن سەبەپتەرىن ءتۇسىندىردى.
"كارتانى تايۆان بۇعازىنداعى مەديانالىق سىزىق بويىنشا قايتا سىزۋ – بۇل تايبەيعا قىسىمدى كۇشەيتىپ قانا قويماي، كۇش قولدانۋدى اقتايتىن وتە ايقىن قادام" دەپ جازادى Bloomberg.
وتكەن اپتادا بەيجىڭ ءبولىپ تۇرعان "ورتا سىزىق" شەكاراسى ارقىلى 20-عا جۋىق اسكەري ۇشاق جىبەرگەنگە سوڭ، تايۆان مەن جۇڭگو اراسىنداعى شيەلەنىس كۇشەيە ءتۇستى.
پىكىر قالدىرۋ