الماتى وبلىسى ۇيعىر اۋدانى شونجى اۋىلىندا سالىنىپ جاتقان دەنە شىنىقتىرۋ جانە ساۋىقتىرۋ كەشەنى قۇلادى، دەپ حابارلادى nege.kz.

پورتالدىڭ حابارلاۋىنشا، قۇرىلىسقا جالپى قۇنى 1 ملرد 171 ملن تەڭگە بولىنگەن. نىساننىڭ قۇرىلىس جۇمىسى 2019 جىلى باستالىپ، 2020 جىلدىڭ سوڭىنا دەيىن اياقتالۋعا ءتيىس بولعان. 

ۇيعىر اۋدانىنىڭ اكىمى شۋحرات نۇراحۋنوۆ عيماراتتىڭ نەگە قۇلاعانىنا ناقتى جاۋاپ بەرە المادى.

– ەرتەڭ ماماندار كەلەدى، ەكسپەرتيزا جاسايدى. تۇستە ءبىر تەمىرى ءتۇسىپ قالىپتى. ونىڭ وزىندە تولىق تۇسپەگەن، ءبىر جەرىنىڭ شاتىرى عانا ءتۇسىپ كەتكەن. ءقازىر اناۋ-مىناۋ دەپ ايتا المايمىز، – دەدى ول.

قۇرىلىس باسقارماسىنىڭ باسشىسى داۋرەن جولجانوۆ ەشقانداي اقپارات بەرە المايتىنىن جەتكىزدى. ونىڭ ايتۋىنشا، نىساندى سالىپ جاتقان "ليدەر نك" قۇرىلىس كومپانياسى، باسشىسى – مارات قۋانىشبايەۆ.

♦ وقي وتىرىڭىز: اكىمىڭ كىم؟ ۇيعىر اۋدانى حالقىن نە مازالايدى؟ (ۆيدەو)