ماڭعىستاۋدا 9 جىل بۇرىن جوعالىپ كەتكەن قىز الماتى قالاسىنان تابىلدى. بۇل تۋرالى kazlenta.kz حابارلادى.

سايت مالىمەتىنشە، 2011 جىلى ماڭعىستاۋدىڭ ون التى جاستاعى تۇرعىنى ەمتيحاندارىن تاپسىرا الماعان سوڭ، قورىققانىنان ۇيىنە ورالماعان. ال اتا-اناسى ءبىراز ۋاقىتتان سوڭ ونى ءولدى دەپ ساناعان. 

جوعالعان قىزدى ىزدەستىرۋدى پوليسەيلەر توقتاتپاعان. ارادا توعىز جىل وتكەن سوڭ قىز الماتى قالاسىنان تابىلعان. 

– جوعالعان ادامدار 12-15 جىلدان كەيىن دە تابىلىپ جاتادى. كوپ ۋاقىت وتكەن سوڭ اتا-اناسى ءولدى دەپ ويلاعان بۇل قىزدى دا تاۋىپ الدى. جوعالاتىن كۇنى قىز مەكتەپكە ەمتيحان تاپسىرۋعا كەتكەن. سودان بەرى بايلانىسقا شىقپادى.

اتالعان جاعداي بويىنشا، اۋداندىق پوليسيا ءبولىمى ىزدەستىرۋ شارالارىن جۇرگىزگەن. الايدا قۇقىق قورعاۋ ورگاندارى قىزمەتكەرلەرى مەن تۋىستارىنىڭ ىزدەۋى ەش ناتيجە اكەلمەگەن. شاراسىز اتا-انا ونى ولدىگە ساناعان. ءىستىڭ ءمان-جايىن تەكسەرۋ بارىسىندا قىزدىڭ مەكتەپ ەمتيحاندارىن تاپسىرا الماي، ۇيىنە ورالۋعا ۇيالعانى، سول سەبەپتى كەتۋگە شەشىم قابىلداعانى انىقتالدى. ءقازىر قىز اتا-اناسىنا ورالدى، – دەدى ۆەدومستۆونىڭ باسپا ءسوز قىزمەتى.