ءماجىلىستىڭ جالپى وتىرىسىندا "قازاقستان رەسپۋبليكاسىنىڭ كەيبىر زاڭنامالىق اكتىلەرىنە سىبايلاس جەمقورلىققا قارسى ءىس-قيمىل ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" زاڭعا سەنات ەنگىزگەن تۇزەتۋلەر كەلىسىلگەنى حابارلاندى.
ءماجىلىس وتىرىسىندا حابارلانعانداي، جاڭا زاڭدا مەملەكەتتىك قىزمەتشىلەرگە كەز كەلگەن قۇندى سىيلىقتاردى سىيعا تارتۋعا تىيىم سالىنادى.
سىبايلاس جەمقورلىققا قارسى شەكتەۋلەردى قابىلدايتىن تۇلعالاردىڭ وتباسى مۇشەلەرىنىڭ ماتەريالدىق سىياقىنى، سىيلىقتاردى نەمەسە كورسەتىلەتىن قىزمەتتەردى قابىلداۋىنا تىيىم سالۋ ەنگىزىلەدى.
سونداي-اق سىبايلاس جەمقورلىققا قارسى ءىس-قيمىل ۇلتتىق بيۋروسىن قازاقستاننىڭ سىبايلاس جەمقورلىققا قارسى ءىس-قيمىل اگەنتتىگى ەتىپ قايتا قۇرۋعا بايلانىستى تۇزەتۋلەر كوزدەلەدى.
پىكىر قالدىرۋ