باسقا جۇمىسقا اۋىسۋىنا بايلانىستى قىزمەتىنەن بوساتىلعان قاراعاندى اكىمى نۇرلان اۋباكىروۆتىڭ ورنىنا ەرماعانبەت بولەكپايەۆ تاعايىندالدى. بۇل تۋرالى قاراعاندى قالالىق اكىمدىگىنىڭ باسپا ءسوز قىزمەتى حابارلادى.

وبلىس ورتالىعىنىڭ جاڭا باسشىسىن جۇرتشىلىققا وبلىس اكىمى جەڭىس قاسىمبەك تانىستىردى. 

– ەرماعانبەت قابدول ۇلىنىڭ جۇمىس تاجىريبەسى مول. ول ءوز جوبالارى مەن باستامالارىن لايىقتى جالعاستىراتىنىنا سەنىمدىمىن. مەن نۇرلان ەرىكبايۇلىنا اتقارعان ۇلكەن جۇمىسى ءۇشىن العىسىمدى بىلدىرەمىن. ونىڭ قالادا جۇمىس ىستەگەن كەزەڭىندە كوپتەگەن جۇيەلى ماسەلەلەر شەشىلدى. ولاردىڭ كوپشىلىگىن ول ءوزى باستاپ، ءوزى شەشتى. اۋلالاردا، قالاداعى ۇيلەردىڭ قاسبەتتەرىندە كوپ نارسە جاسالدى، ءبىراق ءالى دە كوپ جۇمىس جاساۋ كەرەك، – دەدى جەڭىس قاسىمبەك.

قاراعاندى وبلىسىنىڭ اكىمى قالا باسشىسىنىڭ الدىنا كوممۋنالدىق سيپاتتاعى جانە قوعامدىق كولىك ماسەلەلەرىن شەشۋ سەكىلدى ءبىرقاتار مىندەت قويدى.

– ەرماعانبەت بولەكپايەۆ وعان سەنىم ارتقانى ءۇشىن العىسىن ءبىلدىردى. وسى كەزەڭدە كوپ جۇمىس اتقارىلدى. الدا ءالى دە اۋقىمدى جۇمىس كۇتىپ تۇر. سىزدەرمەن بىرگە العا قويىلعان مىندەتتەردى ورىندايتىنىمىزدى ايتىپ، سەندىرگىم كەلەدى، – دەپ اتاپ ءوتتى ول.

ەرماعانبەت بولەكپايەۆ 2018 جىلعى قاراشادان باستاپ قازىرگى تاڭعا دەيىن قاراعاندى وبلىسى اكىمىنىڭ ورىنباسارى قىزمەتىن اتقارعان.