ق ر ۇكىمەتىنىڭ توتەنشە رەزەرۆىنەن ليۆانعا 100 مىڭ دوللار (42 ملن تەڭگەدەن استام) ەسەبىندە گۋمانيتارلىق كومەك بەرۋ جوسپارلانىپ وتىر. بۇل تۋرالى ق ر ۇكىمەتى سايتىندا "ليۆان رەسپۋبليكاسىنا رەسمي iزگiلiك كومەك كورسەتۋ ءۇشىن قازاقستان رەسپۋبليكاسى ۇكىمەتىنىڭ توتەنشە رەزەرۆىنەن قاراجات ءبولۋ تۋرالى" قاۋلىسىندا جاريالاندى.
قازاقستان ىزگىلىك كومەك ءۇشىن كەرەكتى قاراجات تابيعي جانە تەحنوگەندىك سيپاتتاعى توتەنشە جاعدايلاردى جويۋ ءۇشىن 2020 جىلعا ارنالعان رەسپۋبليكالىق بيۋدجەتتە كوزدەلگەن ۇكىمەتتىڭ توتەنشە رەزەرۆىنەن الىنباق.
قاراجاتتى زاڭنامادا بەلگىلەنگەن تارتىپپەن ارنايى بانكتىك شوتقا اۋدارۋىلادى.
بۇعان دەيىن بەيرۋت تەڭىز پورتىندا جويقىن جارىلىس بولعان. وعان التى جىل ىشىندە 2750 توننا اممياك سەليتراسىنىڭ دۇرىس ساقتالماۋى سەبەپ بولعان. جارىلىس سالدارىنان كەم دەگەندە 150 ادام كوز جۇمىپ، 5000-عا جۋىق ادام جاراقات الدى. توتەنشە جاعداي سالدارىن جويۋ ماقساتىندا قازاقستان اسكەري دارىگەرلەر توبىن ليۆانعا جىبەرگەن. قازاقستاندىق دارىگەرلەر ەكى اپتا بويى بىرنەشە جۇزدەگەن جەرگىلىكتى تۇرعىنعا كومەك كورسەتتى.
پىكىر قالدىرۋ