اقش پرەزيدەنتى ترامپ سايلاۋدان كەيىن بيلىكتى بەيبىت جولمەن بەرۋ تۋرالى مىندەتتەمەدەن باس تارتتى، سەبەبى ول بيۋللەتەندەرگە كۇدىكتەنەتىنىن تاعى دا مالىمدەدى.
"اق ءۇيدىڭ باسپا ءسوز كونفەرەنسياسىندا پرەزيدەنت دونالد ترامپ قاراشا ايىنداعى سايلاۋدا دەموكراتيالىق قارسىلاسى دجو بايدەننەن جەڭىلىپ قالسا، بيلىكتى بەيبىت جولمەن بەرۋ تۋرالى مىندەتتەمەدەن باس تاراتنىن ايتتى" دەپ حابارلادى ءال-جازيرا تەلەارناسى.
– ءبىز نە بولاتىنىن كورۋىمىز كەرەك. سىزدەر مەنىڭ بيۋللەتەندەرگە قاتتى شاعىمدانعانىمدى بىلەسىزدەر، بيۋللەتەندەر اپات اكەلەدى...بيۋللەتەندەردەن قۇتىلۋ كەرەك، سوندا ءبارى وتە تىنىش بولادى، (ولاي بولماعاندا) ترانسفەر بولمايدى، اشىعىن ايتقاندا. جالعاسى بولادى. سايلاۋ بيۋللەتەندەرى باقىلاۋدان شىعىپ كەتتى، سىزدەر ونى بىلەسىزدەر... دەموكراتتار ونى باسقالاردان جاقسى بىلەدى، – دەگەن اقش پرەزيدەنتى.
ترامپ پوشتا ارقىلى داۋىس بەرۋدى جوسپارلاپ وتىرعان شتاتتار ءۇشىن ءجيى شاعىمدانادى. ال ول شتاتتار حالىقتىڭ كوروناۆيرۋستىق ينفەكسيا ءقاۋپىن ازايتۋ ءۇشىن وسىلاي ىستەمەك ەكەنىن ايتادى.
