قازاقستاننىڭ قاي وڭىرلەرىندە ءجيى پارا بەرىلەتىنى بەلگىلى بولدى. قازاقستاندا سىبايلاس جەمقورلىققا بايلانىستى قۇقىق بۇزۋشىلىقتار سانى ءبىر جىل ىشىندە 11 پايىزعا وسكەن، دەپ حابارلادى Finprom.kz.

ساراپشىلاردىڭ ەسەپتەۋىنشە، 2020 جىلدىڭ قاڭتار-تامىز ايلارىندا ەلدە مەملەكەتتىك قىزمەت پەن مەملەكەتتىك باسقارۋ مۇددەلەرىنە قارسى 1،6 مىڭ سىبايلاس جەمقورلىق جانە باسقا دا قىلمىستىق قۇقىق بۇزۋشىلىق تىركەلگەن. بۇل ءبىر جىل بۇرىنعىعا قاراعاندا 12،6 پايىزعا از.

ولاردىڭ ۇشتەن ەكىسى پاراقورلىق. جىل باسىنان بەرى ەلدە پاراقورلىقتىڭ 993 جاعدايى انىقتالعان، بۇل 2019 جىلدىڭ سايكەس كەزەڭىمەن سالىستىرعاندا 11،4 پايىزعا كوپ. ونىڭ ىشىندە 555 جاعداي پارا الۋعا، 404 جاعداي پارا بەرۋگە، 34 جاعداي دەلدالدىق رەتىندە تىركەلگەن.

وڭىرلەر بويىنشا باتىس قازاقستان وبلىسى پاراقورلىق بويىنشا انتيلدەرگە اينالدى: 97 جاعداي، ءبىر جىلدا بىردەن ەكى ەسەگە وسكەن. ەكىنشى جانە ءۇشىنشى ورىنداردى الماتى (87 جاعداي، + 47،5 پايىز) جانە شىعىس قازاقستان (76 جاعداي،  - 3،8 پايىز) وبلىستارى الادى.