يسپانيا ۇكىمەتى مادريد بيلىگىن قالادا كوروناۆيرۋس بويىنشا شەكتەۋلەردى قاتاڭداتۋعا شاقىردى. يسپان بيلىگىنىڭ مالىمەتىنشە، قاتاڭ شەكتەۋلەرسىز تۇرعىندار ءۇشىن "ۇلكەن ءقاۋىپ" تۋىندايدى.
مادريد جۇما كۇنى Covid-19 تارالۋى اۋىر ايماقتارداعى شەكتەۋلەردى ۇزارتتى، ءبىراق بۇكىل قالانى لوكداۋنعا الۋدان باس تارتتى.
سەنبىدە يسپانيانىڭ دەنساۋلىق ساقتاۋ ءمينيسترى سالۆادور يللا قازىرگى شەكتەۋلەر جەتكىلىكسىز بولعانىن ايتتى.
ول پاندەميانى باقىلاۋعا الۋ ءۇشىن "بەل شەشە قيمىلدايتىن ۋاقىت كەلدى" دەدى.
"تۇرعىندار ءۇشىن، كورشىلەس ايماقتار ءۇشىن ۇلكەن ءقاۋىپ بار" دەگەن مينيستر ازاماتتاردىڭ دەنساۋلىعىن ءبىرىنشى ورىنعا قويۋعا جانە بۇكىل قالانى ءىشىنارا بۇعاتتاۋعا شاقىردى.
يسپانيانىڭ ايماقتارى دەنساۋلىق ساقتاۋ سالاسىنا جاۋاپتى، سوندىقتان ورتالىق ۇكىمەتتىڭ ءوزى قالاعان شەكتەۋلەردى قويۋعا قۇقىعى جوق.
مادريد تاعى دا يسپانيانىڭ كوروناۆيرۋس ەپيدەمياسىنىڭ ەپيسەنترىندە، قالا وسى جىلدىڭ العاشقى شىڭىندا بولعان ەدى. ەلدە جۇما كۇنى تاعى 12 272 جاعداي تىركەلىپ، ولاردىڭ جالپى سانى 716 481-گە جەتتى، بۇل – باتىس ەۋروپاداعى ينفەكسيانىڭ ەڭ جوعارى كورسەتكىشى.
يسپانيادا جانە سولتۇستىك جارتى شارداعى كوپتەگەن باسقا ەلدەردە سوڭعى اپتالاردا كوروناۆيرۋس پاندەمياسىنەىڭ ەكىنشى تولقىنى بايقالدى.
دۇنيەجۇزىلىك دەنساۋلىق ساقتاۋ ۇيىمى (ددۇ) قىستىڭ جاقىنداۋىنا بايلانىستى ەۋروپادا جانە باسقا جەرلەردە ۆيرۋستىڭ قايتا جاندانۋى تۋرالى قاتاڭ ەسكەرتۋ جاسادى.
پىكىر قالدىرۋ