دەنساۋلىق ساقتاۋ مينيسترلىگى ەلدە وتكەن تاۋلىكتە كوروناۆيرۋس ينفەكسياسىنىڭ بەلگىلەرى بار پنيەۆمونيادان 2 ادام قايتىس بولعانىن حابارلادى.
مينيسترلىكتىڭ مالىمەتىنشە، وتكەن تاۋلىكتە كوروناۆيرۋس ينفەكسياسىنىڭ بەلگىلەرى بار پنيەۆمونيانىڭ 229 جاعدايى تىركەلگەن. وسى جاعدايدان 2 ادام قايتىس بولدى. سونداي-اق 71 ادام ەمدەلىپ شىقتى.
قازىرگى ۋاقىتتا كوروناۆيرۋس ينفەكسياسىنان 3 335 ادام ەم قابىلداۋدى جالعاستىرىپ جاتىر. ولاردىڭ اراسىندا 45 بالا بار. ستاسيونارلاردا 1 808 ناۋقاس جاتىر. 1 527 ادام امبۋلاتوريالىق جاعدايدا ەمدەلىپ جاتىر.
جالپى ناۋقاستاردىڭ اراسىندا 91 ادامنىڭ جاعدايى ناشار. سونىڭ ىشىندە 15 ناۋقاستىڭ جاعدايى اسا اۋىر. 22 ناۋقاس وكپەنى جاساندى جەلدەتۋ اپپاراتىندا جاتىر.
