4 قىركۇيەگىندە «Almaty Finance» كومپانياسى («الماتى» اكك ەنشىلەس كاسىپورنى) جۋرناليستەرگە ناۋرىزباي اۋدانىنداعى «Ala Estate» ج ش س كومپانياسىنىڭ العاشقى ونەركاسىپتىك پاركىن تانىستىردى.

اتالعان نىسان «Almaty Business 2025» مەملەكەتتىك باعدارلاماسى اياسىندا وتكەن جىلدىڭ قاراشا ايىندا ىسكە قوسىلعان.

Almaty Finance كومپانياسى جوبالاردى سۇيەمەلدەۋ دەپارتامەنتى ديرەكتورى نۇرجان سادىقوۆ جۋرناليستەرگە ۇسىنىلعان نىسانداعى قولداۋ سحەماسى جونىندە بايانداپ بەردى:

«جوبانىڭ باستى ماقساتى قولدانىستاعى وندىرىستىك عيمارات الاڭدارىن قايتا جوندەۋدەن وتكىزىپ، جەتىلدىرۋ. سونىمەن قاتار، وسى ونەركاسىپتىك پارك اۋماعىندا ءبىرىڭعاي كلاستەر قۇرۋ مىندەتى قويىلدى. بىلايشا ايتساق، وسىعان ۇقساس باعىتتاعى جوبالاردى ورنالاستىرۋ. عيمارات الاڭى بەلگىلەنگەن تومەن باعامەن جالعا بەرىلەدى. ياعني، 1شارشى مەترىنىڭ باعاسى 1000-1200 تگ تەڭ، ال جالعا بەرۋ مەرزىمى 5-7 جىل. ءبىرىنشى جوبا Furtina كومپانياسى جۇزەگە اسىراتىن جيحاز وندىرىسىنە قاتىستى. مۇندا ەكى ەسە جەتىستىككە قول جەتكىزىلدى.

ياعني، ءبىز ونەركاسىپتىك پارك قۇرىلىسىنا قولداۋ كورسەتتىك. ال ونىڭ اۋماڭىندا ءبىزدىڭ قولداۋىمىزعا سايكەس، جيحاز جاساۋ جوباسى جۇزەگە اسىرىلۋدا. ەگەر ونەركاسىپتىك پاركتى جىلدىق 6% مولشەرلەمەمەن قارجىلاندىرساق، ال جيحاز جاساۋ جوباسىنا جىلدىق 2% مولشەرلەمەمەن قاراجات بولدىك. ءبىز 7 جىلعا دەيىنگى مەرزىمگە ينۆەستيسيالىق جوبالاردى جۇزەگە اسىرۋ ءۇشىن، ال 3 جىلعا كوميسسياسىز كاپيتال اينالىمىنا قولداۋ كورسەتۋ ماقساتىندا جىلدىق 2 جانە 6% مولشەرلەمەمەن نەسيە بەرەمىز. نەسيەلەندىرۋ باعدارلامالارىنىڭ ەرەكشەلىگى — ءبىز كليەنتپەن تىكەلەي بايلانىسىپ، تولىقتاي قىزمەت تۇرلەرىن ۇسىنامىز.»

Almaty Finance كومپانياسى وكىلىنىڭ ايتۋىنشا، كاسىپكەرلەر ءۇشىن تاعى دا ءبىرقاتار ارتىقشىلىقتار بار. اتاپ ايتساق، جوبانى قاراستىرۋ بارىسىندا ەشقانداي كوميسسيا الىنبايدى. ءبۇعان قوسا، سەرىكتەستەرگە «الماتى فينانس» كومپانياسى، Qolday كاسىپكەرلىك ورتالىعى، «الماتى» شاعىن قارجى ءۇيىمى ورنالاسقان «ينۆەستيسيالار ۇيىندە» قىزمەت تۇرلەرى كورسەتىلەدى. سونداي-اق، قاراجاتتى بەكىتۋ مەرزىمى 30 كۇننەن 5-10 كۇنگە دەيىن قىسقارتىلدى.

الداعى ۋاقىتتا الماتى قالاسىندا وسى نداي تاعى التى ونەركاسىپتىك پاركتەردى قۇرۋ جوسپارلانۋدا. بۇعان قوسا، ينۆەستور كرەاتيۆتى يندۋستريا، الەۋمەتتىك نىسانداردى سالۋ، وڭدەۋ ونەركاسىبى جوبالارىن دامىتۋ، تۇراقسىز ساۋدا نىساندارى جەلىسىن دامىتۋ سالاسىنداعى جوبالارعا قولداۋ كورسەتپەك. Almaty Finance كومپانياسى وكىلدەرىنىڭ ايتۋىنا سۇيەنسەك، بۇلاردىڭ قاتارىنا ونەركاسىپتىك پاركتەر، قىزمەت كورسەتۋ ورتالىقتارى، «قولجەتىمدى جەردە» ورنالاسقان جاڭا فورماتتاعى دۇكەندەر جاتادى.

قازىرگى ساتتە، باعدارلاما اياسىندا 6،6 ملرد تگ سوماسىنا 29 جوبا ماقۇلداندى. ولاردىڭ ىشىندە، 17 جوبا 5،4 ملرد تگ كولەمىندە قارجىلاندىرىلىپ، 214 جۇمىس ورنى اشىلدى. سونداي-اق، 1،7 ملرد تگ تەڭ جوبالار ءقازىر قاراستىرىلۋ ۇستىندە.

ورتالىق پەن پەريفەريا اراسىنداعى ىسكەرلىك كليماتتاعى تەگەرىمسىزدىكتى جويۋ ءۇشىن، قالانىڭ جاڭا اۋداندارىنا، ونىڭ شەت ايماقتارىنا باستى نازار اۋدارىلادى.

«Ala Estate» ج ش س باسشىسى قانات بيدارالوۆتىڭ ايتۋىنشا، ونەركاسىپتىك پارك اۋماعىندا قازىرگى ساتتە كورپۋستىق جيحاز بەن مەديسينالىق جانە ارنايى جيحاز وندىرەتىن كومپانيالار ورنالاسقان. قىركۇيەك ايىنىڭ سوڭىنا دەيىن مۇندا كەڭسە تاۋارلارى، ەكولوگيالىق قاپتامالار مەن بەتپەردەلەر وندىرەتىن كاسىپورىندار ىسكە قوسىلماق.