الماتىدا قالا كۇنى قارساڭىندا «الماتى قالاسىنىڭ قۇرمەتتى ازاماتى» اتاعىن العان ازاماتتاردى ماراپاتتاۋ ءراسىمى ءوتتى. الماتى قالاسىنىڭ اكىمى باقىتجان ساعىنتايەۆ ەرەكشەلىك بەلگىلەرى مەن «ەڭبەگى ءۇشىن» توسبەلگىسىن تابىس ەتتى.

ءراسىم بارىسىندا رەجيسسەر، تەاتر جانە كينو اكتەرى، ق ر حالىق ءارتىسى، مەملەكەتتىك سىيلىقتىڭ لاۋرەاتى دوسحان جولجاقسىنوۆ، جوعارى باعا بەرگەنى ءۇشىن العىسىن ءبىلدىرىپ، قالا تۇرعىندارىن قالا كۇنىمەن قۇتتىقتادى.

«ۇلى گۋميليەۆتەن بىلاي سۇراعان ەكەن: „زيالى قاۋىمعا جاتاسىز با؟“ دەگەندە: „جوق، مەنىڭ باسقا ماماندىعىم بار، مەن ءوز حالقىمدى جاقسى كورەمىن“، – دەپ جاۋاپ بەرگەن ەكەن. سوندىقتان، ءبىز ءبارىمىز وسى ۇلتتىڭ وكىلىمىز. اتا-انالاردىڭ تاربيەسىن سىڭىرە وتىرىپ، ءبىلىم ىزدەپ الماتىعا 1969 جىلى كەلدىك. سودان بەرى وسىندا تۇرامىز. ءبىزدىڭ ستۋدەنتتىك ءومىرىمىز الماتىدا ءوتتى. كاسىبي ءبىلىم الىپ، تەاترعا كەلىپ، كينوعا تۇستىك. ءبىزدىڭ العاشقى كورەرمەندەرىمىز الماتىلىقتار بولدى. قابدەش اعا، ءشامشا كوپباي قىزى، نينا امىرقىزى-مەن ولاردى كورگەنىمە قۋانىشتىمىن جانە وسى كورنەكتى تۇلعالارمەن ماقتانامىن. دجەففەرسون ءبىر كەزدەرى: „مەملەكەتتىڭ نەگىزى – حالىق“، – دەدى. ءحالىق-وز مىندەتتەرى مەن پارىزىن تۇسىنەتىن اقىلدى ادامدار. قالا اكىمشىلىگى بۇل ىسكە ءوز ۇلەسىن قوسۋدا. جاستاردىڭ جۇرەگىنە وتانعا جانە جەرگە دەگەن سۇيىسپەنشىلىكتى ۇيالاتادى. ۇلكەن مەرەكە-قالا كۇنى جاقىندادى. الماتى قالاسىنا العىسىمدى بىلدىرگىم كەلەدى. بارلىعىمىزعا مىقتى دەنساۋلىق تىلەيمىن. بۇگىنگى كۇن – الماتى مەن الماتىلىقتاردىڭ رۋحى مىقتى دەگەننىڭ بەلگىسى»، — دەدى د. جولجاقسىنوۆ.