نۇر-سۇلتان قالاسىندا كولىكتى ماس كۇيىندە جۇرگىزگەن جۇرگىزۋشىنىڭ ۆيدەوسى الەۋمەتتىك جەلىدە تارالىپ جاتىر. قالالىق پوليسيا دەپارتامەنتىنىڭ باسپا ءسوز قىزمەتى جۇرگىزۋشىنىڭ ۇستالعانىن حابارلادى.
دەپارتامەنت باسپا ءسوز قىزمەتىنىڭ حابارلاۋىنشا، ماس جۇرگىزۋشى ءتارتىپ بۇزعانى ءۇشىن 20 تاۋلىككە قامالدى.
28 قىركۇيەك كۇنى ساعات 16:00-دە "102" نومەرىنە مومىشۇلى-جۇمابايەۆ كوشەسىمەن كەلە جاتقان "Toyota Highlander" كولىگىنىڭ جول ەرەجەسىن بۇزعانى تۋرالى بىرنەشە حابارلاما كەلىپ تۇسكەن.
"نۇر-سۇلتان قالاسى پوليسيا دەپارتامەنتىنىڭ پاترۋلدىك پوليسيا پولكىنىڭ قىزمەتكەرلەرى 24 جاستاعى جۇرگىزۋشىنى ابىلاي حان كوشەسىندە ماس كۇيىندە ۇستادى. تەكسەرۋ بارىسىندا جاس جىگىتتىڭ جۇرگىزۋشى كۋالىگى جوق ەكەنى انىقتالدى.
قازاقستاننىڭ اكىمشىلىك قۇقىق بۇزۋشىلىق تۋرالى كودەكسىنىڭ 608-بابىنىڭ 6-بولىگى بويىنشا جانە 599-بابىنىڭ 1-بولىگى بويىنشا بىرنەشە اكىمشىلىك ءىس جۇرگىزۋ قوزعالدى. مامانداندىرىلعان اۋدانارالىق اكىمشىلىك سوتىنىڭ قاۋلىسى بويىنشا جۇرگىزۋشى 20 تاۋلىككە قاماۋ تۇرىندە اكىمشىلىك جاۋاپكەرشىلىككە تارتىلدى. كولىك كوممۋنالدىق تۇراققا قويىلدى" دەلىنگەن حابارلامادا.
پىكىر قالدىرۋ